दिपलको नेपालमा १ वर्ष पुरा, ८०० बढी ईभी सडकमा

काठमाडौं– चिनियाँ अटोमोबाइल ब्रान्ड चांगन अन्तर्गतको ईभी ब्रान्ड दिपल नेपाल आएको १ वर्ष पुरा भएको छ । गत वर्षको मार्च ३१ तारिखमा औपचारिक लन्च भएयता दिपल नेपाली ईभी पारखीमाझ लोकप्रिय बनरिहेको छ । दिपलको नेपालका लागि आधिकारिक वितरक एमएडब्लु बृद्धि अटोकर्पले दिपलको पहिलो मोडल एस०७ ल्याएर बिक्री थालेको हो ।

नेपाल भित्रिएको १ वर्ष अबधिमा दिपलले ८०० बढी ईभी बिक्री गर्न सफल भएको कम्पनीको भनाई छ । यो ईभी नेपालमा छोटो अबधीमै सर्बाधिक बिक्री हुने मोडलमा गनियो भने सेग्मेन्टमा ठूलो बजार हिस्सा सहित स्थापित भयो । पछि कम्पनीले आफ्नो प्रोडक्ट लाइनअपलाई थप विस्तार गर्ने क्रममा एल०७ र ई०७ नेपाल ल्यायो ।

दिपलसंग हाल तीनवटा मोडल उपलब्ध रहेपनि सर्बाधिक लोकप्रिय मोडलका रुपमा एस०७ परिचित छ । सुरुवाती मूल्य ७१ लाख ९९ हजार रुपैयाँ तोकेर बिक्री थालेको एस०७ को मूल्य केही महिनापछि ३ लाख रुपैँया बढेर ७४ लाख ९९ हजार पुगेको थियो । पछि कम्पनीले यसको लङ रेन्ज भेरिएन्ट एस०७ एल नेपाल ल्याएको थियो । मोटर र ब्याट्री दुबै बढेर आएको लङ रेन्ज भेरिएन्टलाई कम्पनीले ८४ लाख ९९ हजार रुपैयाँमा बिक्री गर्दै आएको छ ।

कम्पनीले ल्याएको सेडान ईभी एल०७ को मूल्य ६९ लाख ९९ हजार रुपैयाँ तोकिएको छ । यसैगरी, दुई भेरिएन्टमा आएको ई०७ को रियर ह्विल ड्राइभलाई ९९ लाख ९९ हजार र अल ह्विल ड्राइभलाई १ करोड ९९ लाख रुपैयाँ पर्छ ।

ठूलो साइज, फ्युचरिष्टक डिजाइन, अत्याधुनिक सुबिधा र प्रतिस्पर्धात्मक मूल्यका कारण नेपाली बजारमा दिपलका ईभी लोकप्रिय बनेका हुन् । बिक्री बढेसंगै कम्पनीले चार्जिङ पूर्बाधारको विस्तारसहित ईभी इकोसिस्टमा ध्यान केन्द्रित गर्दै लगेको छ ।