४ महिनामा दोस्रो पटक मूल्य बढाउँदै टाटा मोटर्स, प्यासेन्जर कार ३ प्रतिशत सम्मले महंगो हुने

टाटा मोटर्सले भारतमा आगामी अप्रिलदेखि आफ्ना सवारी साधनहरूको मूल्य ३ प्रतिशतसम्म बढाउने योजना बनाएको छ । चार महिनामा कम्पनीले गरेको यो दोस्रो मूल्य वृद्धि हुनेछ । जनवरीमा, टाटाले आफ्ना प्यासेन्जर कारहरूको मूल्य ३ प्रतिशतसम्म बढाएको थियो ।

एक विज्ञप्ती जारी गर्दै कम्पनीले भनेको छ, ‘बढ्दो इनपुट लागतको प्रभावलाई आंशिक रूपमा अफसेट गर्न यो मूल्य समायोजन गरिएको हो । वृद्धिको सीमा मोडेल र भेरिएन्टमा निर्भर गर्दछ ।’

टाटा मोटर्सले यसअघि कमर्सियल भेइकलमा समेत मोडलर र भेरिएन्ट हेरी २ प्रतिशतसम्म मूल्य बृद्धि गरेको थियो ।

भारतमा बृद्धि भएको मूल्यको प्रभाव नेपाली बजारमा समेत पर्ने हुँदा आगामी दिनमा टाटाका प्यासेन्जर कार थप महंगो पर्ने अनुमान गर्न सकिन्छ ।