नयाँ एट्टो३ को तस्विर सार्बजनिक, अत्याधुनिक फिचरले सुसज्जित हुने

बीवाईडीले आफ्नो लोकप्रिय मोडल एट्टो३ को फेसलिफ्ट भर्सनको ताजा तस्विर सार्बजनिक गरेको छ । यसअघि चीनको नियामकिय निकाय उद्योग तथा सुचना प्रबिधी मन्त्रालयले सार्बजनिक गरेको नयाँ एट्टो३ को तस्विर हाल भने कम्पनी आँफैले औपचारिक रुपमा बाहिर ल्याएको हो ।

सार्बजनिक भएको उक्त तस्विरमा नयाँ एट्टो३ निकै आकर्षक र बोल्ड देखिएको छ । यसको फ्रन्ट फेन्डरमा क्यामेरा राखिएको प्रष्ट देख्न सकिन्छ भने नयाँ बम्परले लुक्सलाई थप एग्रेसिभ बनाएको छ । २०२५ एट्टो३ को ग्रिल र हेडलाइट भने परिवर्तन भएको छैन ।

अगाडी राखिएको नयाँ क्यामेराले एडास फिचरलाई थप प्रभावकारी बनाउने अनुमान गरिएको छ । बीवाईडीले हालै चीनको प्रख्यात ड्रोन निर्माता डिजेआईसंग एडास फिचर लिने गरी एक सम्झौता गरेको थियो । जसअनुसार यस एसयूभीमा गड्स आई नामक ड्राइभिङ एसिस्टेन्स सिस्टम उपलब्ध हुनेछ ।

हाईटेक फिचरले सुुसज्जित हुने सो एसयूभीको विन्डशिल्ड तल ३ वटा क्यामेरा ब्लक, ४ वटा सराउन्ड भ्यू क्यामेरा, ५ वटा लङ रेन्ज क्यामेरा, ५ एमएम लामो वेभ राडर र १२ वटा अल्ट्रा सोनिक राडरसहित कुल २९ वटा सेन्सर उपलब्ध हुनेछ । कारमा ६ वटा इन्टेलिजेन्ट पार्किङ मोड पाइनेछ ।

कारको पछाडी भागमा सामान्य परिवर्तन मात्रै गरिएको छ । पछाडी यसको रुफ स्पोइलर र रुफ पिल्लरमात्र परिवर्तन गरिएको छ भने बम्पर लाईनलाई फ्रन्टको डिजाइन ल्यांग्वेजसंग म्याच हुनेगरी अपग्रेड गरिएको छ । नयाँ एट्टो३ १७ र १८ इन्च ह्विलर अप्सनमा आउने जनाइएको छ ।

फ्रन्ट एक्सलमा सिंगल मोटर जडान भएर आउने नयाँ एट्टो३ ४९.९ र ६०.५ किलोवाट आवर ब्याट्री प्यामा उपलब्ध हुनेछ । यसको मोटर क्षमता १५० किलोवाट हुनेछ र भने रेन्ज ४३० र ५१० किलोमिटर दाबी गरिएको छ ।

चिनियाँ बजारमा युवान प्लस नामले बिक्री हुँने सो नयाँ भर्सन यसै वर्षको दोस्रो त्रैमासिकमा लन्च हुने अनुमान गरिएको छ । नयाँ मोडलको मुल्य र इन्टेरियरमा गरिएको अपडेट भने सार्बजनिक गरिएको छैन ।