यी हुन् हिरो मोटोकर्पले ल्याएका ४ नयाँ बाइक र स्कुटर

हिरो मोटोकर्पले भारत मोबिलिटी ग्लोबल एक्स्पो २०२५ मा ४ नयाँ मोटरसाइकल एक्स्ट्रिम २५०आर, एक्सपल्स २१० बाइक र जुम सिरिजका दुई नयाँ स्कुटर जुम १२५ र जुम १६० स्कुटर लन्च गरेको छ । साथै कम्पनीले आफ्ना नयाँ प्रोडक्ट भिडा भी२ इलेक्ट्रिक स्कुटर र सर्जि एस३२ पनि सार्वजनिक गरेको छ ।

हिरो मोटोकर्प एक्स्ट्रिम २५०आर मार्फत पहिलो पटक २५० सीसी सेगमेन्टमा प्रवेश गरेको छ । साथै कम्पनीले २१० सीसीको आफ्नो लोकप्रिय अफ-रोडर एक्सपल्स र एक्सपल्स २१० मोडल पनि लन्च गरेको छ । अटो एक्स्पोमा हिरो मोटोकर्पले जुम सिरिजका दुई स्कुटर जुम १६० र जुम १२५ पनि लन्च गरेको छ ।

हिरो मोटोकर्पका नयाँ एक्स्ट्रिम २५० आर, एक्सपल्स २१० र जुम १६० जस्ता मोटरसाइकल हिरो प्रिमिया स्टोरबाट बिक्री हुनेछ तथा हिरोको डिलरसिपबाट जुम १२५ खरिद गर्न सकिनेछ । सो चार वटै मोटरसाइकलको बुकिङ फेब्रुअरी २०२५ देखि सुरु हुनेछ र मार्च २०२५ देखि यसको डेलिभरी सुरु हुनेछ।

हिरो मोटोकर्पले जुम १२५ र जुम १६० दुई नयाँ स्कुटरमा स्टाइलिश डिजाइन र नयाँ फिचरले सुसज्जित गरेको छ । नयाँ एक्स्ट्रिम २५० आर बाइक युवालाई ध्यानमा राखेर बनाइएको हो ।