टाटा टियागो फेसलिफ्टको टिजर सार्वजनिक, यस्तो हुनेछ नयाँ भर्सन

टाटा मोटर्सले टियागो फेसलिफ्टको पहिलो टिजर सार्वजनिक गरेको छ । कारमा सामन्य कस्मेटिक अपडेट र नयाँ सुविधाहरू प्राप्त गर्ने अपेक्षा गरिएको छ । २०२५ टियागो आगामी भारत मोबिलिटी एक्सपोमा सार्वजनिक हुने अनुमान गरिएको छ ।

टिजरमा यसअघिकै डुअल–टोन अलोय ह्विल देख्न सकिन्छ भने पछाडी नयाँ शार्क फिन एन्टेना राखिएको छ । नयाँ टियागोले संशोधित फ्रन्ट फेसिया प्राप्त गर्न सक्ने अनुमान गरिएको छ ।

साथै, भित्री भागमा केही परिवर्तनहरू प्राप्त गर्ने अपेक्षा गरिएको छ । कारमा नयाँ टचस्क्रिन इन्फोटेनमेन्ट प्रणालीको साथमा अपडेटेड कनेक्टेड फिचर र अप्सनमा सनरुफ समेत उपलब्ध हुनसक्ने जनाइएको छ ।

नयाँ टियागो उही पुरानै १.२–लिटर, ३–सिलिन्डर नेचुरल्लि एस्पिरेटेड पेट्रोल इन्जिनको साथ आउनेछ । यसले ८५ बीएचपी र ११३ एनएम टर्क जनेरेट गर्दछ । कारमा ५ स्पीड म्यानुअल र ५ स्पीड एएमटीको विकल्प समेत पाइनेछ ।

टाटा मोटर्सले टियागो ईभीको पनि २०२५ भर्सन ल्याउने तयारी गरिरहेको छ । टियागो ईभीमा समेत यस्तै अपडेटहरू प्राप्त गर्ने अपेक्षा गरिएको छ । दुबै संस्करणहरू नयाँ रंग विकल्पहरूमा आउनेछन् ।