कियाको बहुप्रतिक्षित एसयुभी साइरोस सार्बजनिक, यस्तो छ विशेषता

कियाले आफ्नो बहुप्रतिक्षित एसयुभी साइरोसलाई भारतमा सार्बजनिक गरेको छ । सो नयाँ सब फोर मिटर एसयुभीको बुकिङ जनवरी ३ देखी खुला हुने र डेलिभरी फेब्रुअरीबाट थाल्ने कम्पनी भनाई छ ।

कियाको के१ प्लेटफर्ममा बनेको सो नयाँ कार बक्सि डिजाइनका साथ आएको हो । यसमा ठाडो स्ट्याक्सड एलईडी हेडल्याम्प र एल आकारको एलईडी टेललाईट राखिएको छ । कारमा बाक्लो बी–पिल्लर, रुफ रेल र रिट्रयाक्टेवल डोर ह्यान्डल उपलब्ध छ ।

इन्टेरियरमा स्लाइडिङ र रिक्लाइनिङ रियर सिट तथा सेग्मेन्ट–फर्स्ट भेन्टिलेटेड फ्रन्ट र रियर सिट राखिएको छ । सो नयाँ कारको ड्यासबोर्ड निकै आधुनिक र सरल देखिएको छ । साथै, होरिजन्टल एयर कन्भेन्ट्स र ३० इन्चको डुअल स्क्रिन लेआउटमा डिजिटल इन्स्ट्रुमेन्ट क्लस्टर र टचस्क्रिन इन्फोटेनमेन्ट सिस्टम राखिएको छ । कारमा नयाँ डिजाइनको फ्ल्याट–बटम स्टेयरिङ ह्वील समेत उपलब्ध छ ।

अन्य सुविधाहरूमा प्यानोरामिक सनरुफ, वायरलेस चार्जिङ, रियर सनशेड, एम्बियन्ट लाइटिङ, रियर एसी भेन्ट्स, वायरलेस एन्ड्रोइड अटो एन्ड एप्पल कारप्ले, ८ स्पिकर हरमन कार्डन साउन्ड सिस्टम र रिमोट विन्डो भेन्टिलेसनका साथ कनेक्टेड कार फिचर पाउन सकिन्छ ।

कार १.० लिटर टर्बो–पेट्रोल र १.५ लिटर डिजेल इन्जिन अप्सनमा उपलब्ध हुनेछ । पेट्रोल इन्जिन ६ स्पीड म्यानुअल र ७ स्पीड डिसिटी तथा डिजेल इन्जिन ६ स्पिड म्यानुअल अप्सनमा उपलब्ध हुनेछ ।

सुरक्षाका लागि कारमा ३६० डिग्री क्यामेरा, ईएससी, हिल स्टार्ट, ६ वटा एयरब्याग र चारवटै चक्कामा डिस्क ब्रेक जडान गरिएको छ । कियाले सो नयाँ कारको मुल्य भने सार्बजनिक गरिसकेको छैन ।