सिप्रदी एस्योर्डको ‘ईयर इन्ड सेल’ स्किम, गाडी खरिद र सट्टापट्टमा फाइदै फाइदा

काठमाडौं–टाटा प्यासेन्जर कारको आधिकारिक रिकन्डिसन हाउस सिप्रदी एस्योर्डले ‘ईयर इन्ड सेल’ स्किम ल्याएको छ । वर्ष २०२४ सकिनै लाग्दा कम्पनीले आफुँसंग स्टकमा भएका कारको बिक्री बढाउन नयाँ स्किम ल्याएको हो । स्किम डिसेम्वर ३१ सम्म लागु हुने जनाइएको छ ।

स्किम अवधीमा ग्राहकले आफुँसंग भएको जुनसुकै पुरानो गाडीसंग टाटाको ब्रान्ड न्यू कार तथा कम्पनीसंग उपलब्ध पुरानै कार समेत एक्सचेन्ज गर्न सक्नेछन् । सिप्रदी एस्योर्डसंग उपलब्ध विभिन्न ब्रान्डका सेकेन्ड ह्यान्ड कारलाई उचित मूल्यमा बिक्री गरिने कम्पनी भनाई छ ।

कम्पनीले सकेन्ड ह्यान्ड कारको खरिदमा आकर्षक उपहारदेखि फाइनान्स सुविधा समेत उपलब्ध गराउँदै आएको छ । यसैगरी, एकजना भाग्यशाली बिजेतालाई लक्कि ड्रमार्फत विशेष उपहार समेत प्रदान गरिनेछ । पुरानो कार दिएर पुरानै कार एक्सचेन्ज गर्न आउने उपभोक्तालाई उनीहरुको कारमा उच्चतम मुल्यांकन दिइने कम्पनीले जनाएको छ ।

पुरानो गाडीको खरिदमा फाइनान्स सुविधाका लागि कम्पनीले सिप्रदी हायर पर्चेज र एमएडब्लू इन्भेष्टमेन्टबाट कर्जा सुविधा उपलब्ध गराउँदै आएको छ । यसरी कर्जा लिँदा न्यून ब्याजदरसहित सरल किस्तावन्दिको सुबिधा समेत पाइनेछ ।