सुजुकी भिटारामा आधारित टोयोटा अर्बन क्रुजर ईभी सार्वजनिक, अर्को वर्ष लन्च हुने

टोयोटाले अर्बन क्रुजर ईभीको उत्पादन संस्करण सार्वजनिक गरेको छ । नयाँ इलेक्ट्रिक एसयूभी मारुती सुजुकी ई– भिटारामा आधारित रहने जनाइएको छ । सो नयाँ ईभीलाई टोयोटाले अर्को वर्ष भारतमा बिक्री गर्ने योजना बनाएको छ ।

सो नयाँ ईभीको एक्सटेरियरमा यू–आकारको एलईडी हेडलाइट, स्क्वायर–इश व्हील आर्च तथा कालो इन्सर्टको साथ एलईडी टेललाइट जडान गरिएको छ । साथै यसमा १८ इन्च अर्थात १९ इन्चको एरो अप्टिमाइज्ड ह्वीलहरू प्रदान गरिनेछ ।

अर्बन क्रुजर ईभीको भित्री भाग यसअघि सार्बजनिक गरिएको ई–भिटारा कन्सेप्टसँग मिल्दोजुल्दो छ । यसमा डुअल–स्क्रिन लेआउटको साथ उही ड्यासबोर्ड छ, जसमा १०.१ इन्च टचस्क्रिन इन्फोटेनमेन्ट प्रणाली र १०.२५ इन्च डिजिटल इन्स्ट्रुमेन्ट क्लस्टर समावेश छ ।

फिचरको कुरा गर्नुपर्दा यसमा अटोमेटिक क्लाइमेट कन्ट्रोल, वायरलेस चार्जर, पावर ड्राइभर सिट, सनरुफ, रिक्लाइनिङ रियर सिट, जेबीएल अडियो सिस्टम, एन्ड्रोइड अटो र एप्पल कारप्ले कनेक्टिभिटी रहेको छ । ईभीमा ३६० डिग्री क्यामेरा र एडिएएस पनि समाबेश हुनेछ ।

ई–भिटारा जस्तै, टोयोटाको इलेक्ट्रिक एसयूभी पनि ४९ र ६१ किलोवाट आवर गरी दुईवटा ब्याट्री अप्सनमा उपलब्ध हुने जनाइएको छ । सानो ब्याट्रीलाई अगाडिको एक्सललाई पावर गर्ने एकल इलेक्ट्रिक मोटरसँग जोडिनेछ । यसको आउटपुट १४२ एचपी र १८९ एनएम हुनेछ ।

साथै, ६१ किलोवाट आवर ब्याट्री सिंगल र डुअल ब्याट्री भेरिएन्टमा उपलब्ध हुनेछ भने यसको आउटपुट क्रमशः १७२ बिएचपी र १८९ एनएम तथा १८४ एिचपी र ३०० एनएम हुनेछ ।