हुन्डाई सन्ता-फेलाई ‘कार अफ दि इयर २०२५’ अवार्ड

काठमाडौं– हुन्डाईको प्रिमियम एसयुभी सन्ता-फेले ‘कार अफ दि इयर २०२५’ अवार्ड हात पारेको छ । अन्तराष्ट्रिय बजारमा हालै लन्च भएको नयाँ सन्ता-फेलाई कार वाउले यस्तो अवार्ड दिएको हो । उक्त अवार्डको साथ सन्ता-फेले अनलाईन मार्केटप्लेस फेमिली भ्यालु अवार्ड समेत पाएको छ ।

कार वाउले हुन्डाईकै अर्को बिद्युतिय एसयुभी आयोनिक ५ एनलााई समेत सम्मानित गरेको छ भने ब्रान्डको समग्र गुणस्तरलाई मध्येनजर गरी ब्रान्ड अफ दि इयरबाट समेत सम्मानित गरेको छ ।

कार वाउको पुरस्कारहरू यसको सम्पादकीय टोलीद्वारा निर्धारण गरिँदै आएको छ । जसले मूल्य, कार्यसम्पादन, दक्षता, आराम र व्यावहारिकताको आधारमा वार्षिक रूपमा समीक्षा गरिएका सयौं कारहरूबाट आफ्ना शीर्ष मोडल छान्ने गर्छन् ।