एक्सपेङ जी६ ईभी अब पोखरामा, अटो वेज बन्यो डिलर

पोखरा – एक्सपेङ मोटर्सको नेपालका लागि आधिकारिक वितरक सीजी मोटर्सले चिनियाँ अटोमोबाइल ब्रान्ड एक्सपेङ जी६ इभी पोखरामा भव्य रुपमा लन्च गरेको छ । सीजी मोटर्सले अटोवेज प्रालिलाई पोखरा क्षेत्रका लागि आधिकारिक डिलरको रूपमा औपचारिक रूपमा घोषणा गरेको छ।

यसबाट एक्सपेङको उपस्थिति थप विस्तार भएको छ, जसले स्थानीय ग्राहकहरूलाई अत्याधुनिक तथा वातावरणमैत्री सवारीसाधन र भरपर्दो सेवा प्रदान गरिरहेको छ।

अटोवेजका अध्यक्ष नारायण प्रसाद पौडेलले कार्यक्रममा आफ्नो प्रमुख मन्तव्य व्यक्त गर्दै मिडियालाई एक्सपेङ ब्रान्डको परिचय गराए । साथै, सीजी मोटर्सका सीईओ तथा निर्देशक हेमन्त अग्रवालले कार्यक्रमको क्रममा सीजी मोटर्सका उपलब्धिहरू र अटोवेजसँगको सहकार्यको चर्चा गर्नुका साथै भविष्यका योजनाहरू प्रस्तुत गरे ।

सो अवसरमा अटोवेज प्रालिले पहिलो चरणका ग्राहकलाई ५ युनिट जी६ एसयूभी पनि हस्तान्तरण गरेको छ।

सो लन्च कार्यक्रममा एक्सपेङको नयाँ जी६ मोडल प्रस्तुत गरिएको थियो, जसले स्मार्ट प्रविधि र दिगो डिजाइनमा जोड दिएको छ। जी६ ले विश्वकै उच्च सुरक्षा परीक्षण ई–एनक्यापमा फाइभ स्टार रेटिङ प्राप्त गरेको छ। यसले स्वचालित ड्राइभिङ प्रविधि, एसईपीए २.० संरचना, नियमित ओटीए अपडेटहरू, एक्सओएस अपरेटिङ सिस्टम, र ८०० भोल्ट सुपर–फास्ट चार्जिङ सुविधा प्रदान गर्दछ।

जी६ को मोटर पावर १९० किलोवाट र टर्क ४४० एनएम छ, जसले ६६ किलोवाट आवर ब्याट्री प्याकसहित ४३५ किलोमिटरको रेन्ज दिन्छ।

यसका थप विशेषताहरूमा अगाडिको र पछाडिको एक्सलमा ५०ः५० तौल वितरण, समग्र स्पोर्टी प्रदर्शनका लागि आल्मुनियम डाइ–कास्ट बडी र ९–आयामीय ब्याट्री सुरक्षासहितको संरचना सामेल छन्, जसले जी६ लाई विशिष्ट बनाउँछ।