हिरोले नयाँ जेनेरेसन एक्सपल्स २१० बाइक ल्याउँदै, सामाजिक सञ्जालमा टिजर सार्वजनिक

हिरो मोटोकर्पले आफ्नो पोर्टफोलियोमा थप सुधार गर्दै नयाँ बाइक ल्याउने तयारी गरेको छ । कम्पनीले चाँडै नै नयाँ बाइक भारतीय बजारमा ल्याउने तयारी गरेको हो । यसका लागि कम्पनीले सामाजिक सञ्जालमा नयाँ टिजर पनि सार्वजनिक गरेको छ ।

टिजरमा बाइकको अगाडिको भाग देखाइएको छ । साथै बाइकको एलईडी हेडलाइट, हेडलाइट गार्ड, अगाडिको टायर बम्पर, नम्बर प्लेट, इन्डिकेटरको बारेमा जानकारी उपलब्ध गराएको छ । सो बाइक एडभेन्चर सेगमेन्टमा लन्च गर्न सक्ने अनुमान गरिएको छ । बाइक पहिलो पटक इटालीमा हुने ईआईसीएमए २०२४ मा प्रस्तुत हुनेछ ।

कम्पनीले यसमा नयाँ इन्जिन उपलब्ध गराउन सक्नेछ । यसमा करिज्मा एक्सएमआरबाट २१० सीसी इन्जिन उपलब्ध हुने अपेक्षा गरिएको छ । जसका कारण सो बाइकले २५.१५ बीएचपी पावर र २०.४ एनएमको टर्क उत्पादन गर्नेछ । बाइकमा ६ स्पिड गियरबक्स दिन सकिन्छ । हालको जेनेरेसन एक्सपल्समा दिइएको इन्जिनले बाइकलाई १९ बीएचपीको पावर र १७.३५ एनएमको टर्क दिन्छ।

टिजरमा दिइएको जानकारी अनुसार कम्पनीले यसमा धेरै उत्कृष्ट फिचर उपलब्ध गराउन सक्नेछ । नयाँ पुस्ताको बाइकमा फुल डिजिटल स्पिडोमिटर, ब्लुटुथ कनेक्टिभिटी, एपमा आधारित टर्न बाइ टर्न नेभिगेसन सिस्टम, राइडका लागि विभिन्न मोडका साथै स्विच गर्न मिल्ने रियर एबीएस पनि उपलब्ध गराउन सकिन्छ ।