केटीएम ट्र्याक टेस्ट एक्सपेरियन्स इभेन्ट आयोजना हुने, रजिष्ट्रेसन आह्वान

काठमाडौं – केटीएमको नेपालका लागि आधिकारिक वितरक हंसराज हुलासचन्द एन्ड कम्पनीले आगामी सेप्टेम्बर २७ र २८ अर्थात आगामी शुक्रबार र शनिबार केटीएम ट्र्याक टेस्ट एक्सपेरियन्स इभेन्ट आयोजना गर्ने भएको छ । भक्तपुरको एड्भान्स्ड राइडिङ एकेडेमीमा आयोजना हुने सो इभेन्टमा केटीएमका विभिन्न मोडल रेन्जका बाइक टेस्ट राइड गर्नुका साथै रोमाञ्चक ‘हट ल्याप च्यालेन्ज’ मा भाग लिन पाइने छ ।

पहिलो दिन शुक्रबार विशेष प्रकारले डिजाइन गरिएको ट्र्याकमा केटीएम २०० ड्युक, २५० ड्युक, २०० आरसी र ३९० ड्युक टेस्ट राइड गर्ने मौका मिल्ने छ । सो अवसरमा विशेषज्ञ राइडरहरुद्वारा ट्रेनिङ सेसन सञ्चालन गरिने छ र उनीहरुले आफ्ना अनुभव सेयर गर्नुका साथै राइडिङ सम्बन्धी महत्वपूर्ण टिप्स र गाइडेन्स उपलब्ध गराउने छन् ।

दोस्रो दिन शनिबार हट ल्याप च्यालेञ्ज आयोजना गरिने छ । सो च्यालेन्जमा सहभागीहरुले ६ ल्याप रेस पुरा गर्नेछन् । प्रो रेसर, एमेच्योर र विमेन गरी तीन क्याटागोरीमा सो च्यालेन्ज आयोजना हुनेछ । सबै क्याटागोरीमा सबैभन्दा कम समयमा ल्याप पुरा गर्ने राइडरलाई विजेता घोषित गरिने छ ।

केटीएमका पछिल्लो समयमा नेपाल भित्रिएका विभिन्न मोडलका बाइकलाई सुरक्षित र नियन्त्रित वातावरणमा टेस्ट राइड गरी अनुभव लिन चाहने राइडरहरुले यसबाट फाइदा लिन सक्ने छन् । विशेषज्ञहरुबाट रेसिङ सम्बन्धी विभिन्न जानकारी लिन र हट ल्याप च्यालेञ्जमा सहभागी भई आकर्षक पुरस्कार जित्ने समेत सकिने छ ।

केटीएम नेपालको वेबसाइटमार्फत वा ०१–४५१५४६२ मा सम्पर्क गरेर सो इभेन्टमा सहभागी हुन सकिने कम्पनीको भनाइ छ ।