दशैंमा याडिया स्कुटर किन्दा १० हजार छुट

काठमाडौं–याडिया स्कुटरको नेपालका लागि आधिकारिक वितरक कुजु नेपालले दशैं तिहारको अवसरमा विशेष छुटको घोषणा गरेको छ । कम्पनीले आफ्ना लोकप्रिय स्कुटरहरू ई८एस प्रो, जी६ र एम६ लगायत मोडलमा १० हजार छुट दिने योजना ल्याएको हो । यो विशेष छुट सीमित समयको लागि मात्र उपलब्ध हुने जनाइएको छ ।

दशैं छुटको अतिरिक्त कम्पनीले पुराना बाइक र स्कुटरहरूका लागि एक्सचेन्ज सुविधा पनि प्रदान गरिरहेको छ । साथै, ग्राहकको सहजताका लागि ईएमआई सुविधा पनि उपलब्ध रहेको कम्पनी भनाई छ ।

कम्पनीले बिक्री गर्ने ई८एस प्रो स्कुटरको मूल्य २ लाख ३० हजार, जी६ लाई २ लाख ६० हजार र एम६ को १ लाख ७५ हजार रुपैयाँ पर्छ । यी स्कुटरमा २ वर्ष वा २० हजार किलोमिटर सम्मको वारेन्टि सेवा पाउन सकिन्छ ।