यामाहाले ल्यायाे कार्बन फाइबर ग्राफिक्स र नयाँ फिचर भएको नयाँ आर१५एम मोटरसाइकल

यामाहा मोटर इन्डियाले नयाँ आर१५एम मोटरसाइकल भारतीय बजारमा ल्याएको छ । यसमा नयाँ कार्बन फाइबर ट्रिम भेरिएन्ट उपलब्ध छ । साथै नयाँ फिचर पनि समावेश गरिएको छ।

सो बाइकको कार्बन फाइबर प्याटर्न कार्बन बडीवर्कबाट प्रेरित छ र यसलाई वाटर डिपिङ टेक्नोलोजीको प्रयोग गरी बनाइएको छ । कार्बन फाइबर प्याटर्न बाहेक आर१५एममा ब्ल्याक फेन्डर, ट्याङ्की र साइड फेयरिङमा नयाँ डेकल्सका साथै निलो पाङ्ग्रा उपलब्ध छ ।

नयाँ आर१५एममा शक्तिशाली इन्जिन, इनोभेटिभ फिचर, रेसी डेकल्स र स्पोर्टी कार्बन-फाइबर प्याटर्नले सुसज्जित भएको कम्पनीले जनाएको छ ।

आर१५एममा नयाँ फिचर पनि समावेश गरिएको छ । जसमा टर्न-बाई-टर्न नेभिगेसन फिचरका साथै म्युजिक र भोल्युम कन्ट्रोल फंक्शन पनि उपलब्ध छ । सो फंक्शन वाई-कनेक्ट एप्लिकेसनको प्रयोग मार्फत पनि प्रयोग गर्न सकिन्छ । साथै सो मोडलमा राम्रो स्विचगियर र नयाँ डिजाइन गरिएको एलईडी लाइसेन्स प्लेट लाइट पनि समावेश छ । 

नयाँ आर१५एम मोटरसाइकलमा कुनै मेकानिकल परिवर्तन गरिएको छैन । यसमा १५५ सीसी इन्जिन जडान गरिएको छ, जसले ७५०० आरपीएममा १४.२ एनएम टर्क र १०००० आरपीएममा १८.१० बीएचपीको पावर जेनेरेट गर्छ । सो इन्जिन ६ स्पिड गियरबक्ससँग जोडिएको छ, जसमा स्लिप एण्ड असिस्ट क्लच र क्विकसिफ्टर पनि छ। यसमा यामाहा ट्रयाक्सन कन्ट्रोल र भीभीए पनि उपलब्ध ५ जुन ७४०० आरपीएममा चल्छ ।