प्रि–सेल सुरु भएको १ हप्तामै जिकर ७ एक्सलाई २० हजार अर्डर

काठमाडौं– जिकरको नयाँ ईभी ७ एक्सले प्रि–सेल सुरु भएको १ हप्तामै २० हजार युनिटको अर्डर प्राप्त गरेको छ । सेप्टेम्वर २० देखी डेलिभरी सुरु हुने यो विद्युतिय एसयूभीले चिनमा यति धेरै अर्डर पाएको हो । जिकरले यसको इन्ट्रि लेभल एसयूभीको मूल्य ३३ हजार ८५० डलर निर्धारण गरेर वुकिङ लिएको हो ।

नयाँ एसयूभी तीन भिन्न भेरिएन्टमा उपलब्ध हुने अनुमान गरिएको छ । जसअनुसार टप ट्रिमको मूल्य ४२ हजार ३०० र सबैभन्दा महंगो भेरिएन्ट मोडल वाईलाई ५० हजार ५०० डलर पर्ने जनाइएको छ । यो एसयूभीले निमा टेस्ला मोडल वाईसंग प्रतिस्पर्धा गर्नेछ ।

जिकर ७ एक्सको सेन्टर कन्सोलमा १५.०५ इन्चको इन्फोटेन्मेन्ट स्क्रिन, १३.०२ इन्चको एलसिडी इन्स्ट्रयुमेन्ट क्लस्टर, पछाडी बस्ने प्यासेन्जरका लागि पावर लेग रेष्ट, फोल्डिङ टेवल र १३ इन्चको स्क्रिन राखिएको छ । यो कारको महत्वपूर्ण विशेषताका रुपमा २३० एमएम ग्राउन्ड क्लिरियन्स रहेको छ ।

८०० भोल्टको हाई भोल्टेज सिस्टममा तयार पारिएको सो नयाँ ईभीमा ७५ र १०० किलोवाट आवरको ब्याट्री प्याक पाउन सकिन्छ । साथै यसको इन्ट्रि लेबल भेरिएन्टमा राखिएको सिंगल मोटरले ४१५ एचपी पावर दिन्छ भने फोर ह्विल ड्राइभले ६३६ एचपी पावर दिन्छ । कारलाई एकपटक फुल चार्ज गरेपछि ६०० देखी ७८० किलोमिटर सम्म रेन्ज पाइने दावी गरिएको छ ।

जिकर हालै नेपाली बजारमा लन्च भएको प्रिमियम ईभी ब्रान्ड हो । नेपाली बजारमा यसको एक्स मोडल उपलब्ध छ ।