नेटा एक्स : लन्च भएको ७२ घण्टामै १००० बढी अर्डर, नाडा अटो शोमा उपलब्ध हुने

थाइल्यान्डमा नेटा एक्स ईभी लन्च भएको ७२ घण्टामै एक हजार युनिट भन्दा बढी अर्डर प्राप्त भएको छ ।

थाइल्यान्डमा गत साता लन्च भएको एसयूभी–स्टाइल ईभी नेटा एक्समा सो अर्डर प्राप्त भएको हो । थाइल्यान्डमा नेटाले लन्च गरेको यो दोस्रो मोडल हो । यो भन्दा पहिले गत मार्चमा नेटा भी–टु लन्च भएको थियो ।

नेटा एक्स कम्फर्ट र स्मार्ट गरी दुई मोडल लन्च गरिएको थियो । कम्फर्ट मोडलमा ५१.८ किलोवाट आवरको लिथियम आयोन ब्याट्री छ, जसले सिंगल चार्जमा ४०१ किलोमिटरको रेन्ज दिने बताइएको छ । त्यसैगरी स्मार्ट मोडलमा ६२ किलोवाट आवरको ब्याट्री छ र ४८० किलोमिटर सम्मको रेन्ज दिने बताइएको छ ।

सो गाडीमा प्रयोग भएको ब्याट्रीमा आईपी ६८ डस्टप्रुफ र वाटरप्रुफ हाई सेफ्टी फिचर रहेको छ ।

नेपाली बजारमा पनि सीजी मोटर्सले नेटा एक्स मोडल बिक्री–वितरण गर्ने जानकारी पहिले नै सार्वजनिक भएको थियो । यद्यपि औपचारिक रुपमा अहिले सम्म बिक्री प्रारम्भ भएको छैन ।

आगामी भाद्र ११ देखि प्रारम्भ हुने नाडा अटो शोमा यो गाडी अवलोकन गर्न सकिने अनुमान गरिएको छ ।