अपडेट भएर आयो येज्दी एड्भेन्चर, यस्ता छन् विशेषता

येज्दी एड्भेन्चर अपडेट भएर आएको छ । क्लासिक लेजेन्ड्सले भारतमा २०२४ येज्दी एड्भेन्चरलाई ल्याएको हो । जसको मूल्य २ लाख १० हजार भारु निर्धारण गरिएको छ । सो मोटरसाइकलमा नयाँ रङ र ग्राफिक्स थप गरिएको छ भने फ्यूल ट्याङ्कमा 'ईएसटी ६९' स्टिकर टाँसिएको छ ।

कस्मेटिक परिवर्तन बाहेक यसमा रिपोजिसन गरिएको हेडर र नयाँ सम्प गार्डको साथ नयाँ अपस्वेप्ट एक्जस्ट समेत दिइएको छ । मोटरसाइकलको समग्र तौल पनि ५ केजीले घटेको छ ।

येज्दी एडभेन्चरमा ३३४ सीसी सिंगल सिलिन्डर, लिक्विड कूल्ड इन्जिन जडान गरिएको छ । ६ स्पिड गियर वक्ससंग जोडिएको उक्त इन्जिनले ३० बिएचपी पावर र ३० एनमनै टर्क जेनेरेट गर्दछ । कम्पनीले यो इन्जिनको रिफाइनमेन्ट र स्थायित्वमा सुधार गरेको दाबी गरेको छ ।

सस्पेन्सन सेटअप पहिले जस्तै टेलिस्कोपिक फ्रन्ट फोर्क र रियरमा मोनो–शक राखिएको छ । बाइकमा डुअल डिस्क ब्रेक र एबिएस समेत दिइएको छ ।