यस्तो छ टाटा कर्भको विशेषता, अन्य एसयूभीभन्दा उत्कृष्ट हुने कम्पनीको दाबी

टाटा कर्भ लन्च हुनु अघि नै मिडसाइज एसयूभी सेगमेन्टमा हलचल मचाएको छ। फिचर्सका आधारमा हुन्डाई क्रेटालाई टाटा कर्भको इलेक्ट्रिक र पेट्रोल–डिजेल भेरिएन्टसँग तुलना गर्न थालिएको छ । टाटा कर्भको स्टाइलिस लुक र डिजाइन निकै आकर्षक हुनेछ ।

टाटा कर्भका सबै इलेक्ट्रिक र पेट्रोल-डिजेल भेरिएन्टमा १२.३ इन्चको टचस्क्रिन इन्फोटेनमेन्ट सिस्टम हुनेछ भने हुन्डाई क्रेटामा १०.२५ इन्चको टचस्क्रिन इन्फोटेनमेन्ट सिस्टम छ । टाटा कर्भमा वायरलेस एन्ड्रोइड अटो र एप्पल कार प्ले सपोर्ट पनि हुनेछ।

फ्लश डोर ह्यान्डलले टाटा कर्भलाई आधुनिक र स्लिकर देखाएको छ । आफ्नो शक्तिशाली एसयूभी ह्यारियर र सफारी पछि टाटा मोटर्स अब पावर्ड टेलगेटको साथमा कर्भ प्रस्तुत गर्न गइरहेको छ। प्रिमियम कारमा जस्तै टाटा कर्भमा एउटा बटन थिचेर कारको पछाडिको ढोका बन्द गर्न सकिनेछ ।

टाटा मोटर्सको नयाँ एसयूभी कुपे कर्भमा १०.२५ इन्चको डिजिटल ड्राइभर डिस्प्ले हुनेछ, जसले सबै जानकारीका साथै नेभिगेसन सुविधा प्रदान गर्नेछ । टाटा मोटर्सको ह्यारियर र सफारी जेसी एसयूभीमा जस्तै टाटा कर्भमा गुडबाई फङसनका साथ हेडल्याम्प र टेलल्याम्प हुनेछ ।