फुल चार्जमा ६०० किमी सम्मको रेन्ज दिनेछ टाटा कर्भ ईभीले

टाटा मोटर्सको बहुप्रतीक्षित कुपे एसयूभी कर्भ ईभी अन्ततः ७ अगस्टमा लन्च हुने भएको छ । कम्पनीले सो एसयूभीको ब्याट्री प्याकको आधिकारिक जानकारी पनि सार्वजनिक गरेको छ । रिपोर्टका अनुसार टाटा कर्भ ईभी धेरै ब्याट्री प्याक विकल्पमा उपलब्ध हुनेछ ।

मिडिया रिपोर्टका अनुसार टाटा कर्भ ईभीलाई स्ट्यान्डर्ड र लङ रेन्ज भेरिएन्टमा प्रस्तुत गर्न सकिन्छ । स्ट्यान्डर्ड भेरिएन्टमा ४०.५ किलोवाटको ब्याट्री प्याक हुनेछ, जसले फुल चार्जमा ४६५ किलोमिटरको रेन्ज प्रदान गर्न सक्छ । लङ रेन्ज भेरिएन्टमा ५५ किलोवाटको ब्याट्री प्याक हुनेछ, जसको सिंगल चार्जमा ५५० किलोमिटर सम्मको रेन्ज प्रदान गर्न सक्छ।

टाटा कर्भ ईभी एक्टि.ईभी प्ल्याटफर्ममा आधारित छ । सो इलेक्ट्रिक एसयूभी कुपेले फुल चार्जमा ६०० किलोमिटर सम्मको रेन्ज प्रदान गर्न सक्छ । टाटा कर्भ ईभीका सबै भेरिएन्टलाई फ्रन्ट एक्सल माउन्ट गरिएको इलेक्ट्रिक मोटरबाट पावर हुनेछ ।

लुक र डिजाइनको हिसाबले टाटा कर्भ ईभी निकै उत्कृष्ट हुनेछ र आफ्नो सेगमेन्टमा सबैभन्दा राम्रो इलेक्ट्रिक कार हुने कम्पनीको दाबी छ । टाटा कर्भ ईभीले एमजी जेडएस ईभी, हुन्डाई क्रेटा ईभी र मारुती सुजुकी ईभीएक्ससँग प्रतिस्पर्धा गर्नेछ ।

सो एसयूभीमा लेटेस्ट र उत्कर्ष्ट फिचर समावेश हुनेछ र यसको प्रारम्भिक मूल्य १८ लाख भारु हुनेछ ।