यस्तो हुनेछ प्रिमियम सुविधाले सुसज्जित हुन्डाई क्रेटाको इलेक्ट्रिक संस्करण

हुन्डाईले क्रेटाको इलेक्ट्रिक संस्करण चाँडै लन्च गर्ने भएको छ । कम्पनीले हाल यसको परीक्षण गरिरहेको छ । सो मिडसाइज इलेक्ट्रिक एसयूभी २०२५ को सुरुमा लन्च गर्ने कम्पनीले बताएको छ । यसले टाटा कर्भ, मारुती सुजुकी ईभिएक्स, एमजी जेडएस ईभी र महिन्द्रा एक्सयूभी४०० जस्ता मोडललाई प्रतिस्पर्धा गर्नेछ ।

हुन्डाई क्रेटा ईभीको इन्टेरियरमा क्लोज-अफ फ्रन्ट ग्रिल, अपडेटेड फ्रन्ट र रियर बम्पर, नयाँ एरो इन्सर्ट १८ इन्च ह्विल, एलईडी हेडल्याम्प र स्ट्यान्डर्ड क्रेटासँग मिल्दोजुल्दो टेल ल्याम्प एसेम्ब्ली समावेश छ । नयाँ ईभी क्रेटाको स्टेयरिङ ह्विल विदेशमा हुन्डाईको ईभीमा ल्याइएको नयाँ लोगोलाई समावेश गर्दै अद्वितीय फिनिशसहित फरक देखिन्छ ।

सो एसयूभीमा लेभल २ एडास, ६ एयरब्याग, फ्रन्ट भेन्टिलेटेड सिट, ३६० डिग्री क्यामेरा, अटोमेटिक क्लाइमेट कन्ट्रोल, कुल्ड ग्लोभबक्स, प्रिमियम सरफेस फिनिश र ट्रिम्स, लेयर्ड ड्यासबोर्ड, ड्युअल पेन सनरुफ, एयर प्युरिफायर र कनेक्टेड प्रविधि जस्ता फिचर समावेश गरिएको छ ।

इलेक्ट्रिक हुन्डाई क्रेटा डीसी फास्ट चार्जिङ विकल्पको साथ आउनेछ, यद्यपि यसमा भी२एल र भी२भी क्षमता  समावेश छ कि छैन भन्ने स्पष्ट छैन । यसको इलेक्ट्रिक मोटर इन्ट्री लेभल कोना इलेक्ट्रिकबाट लिन सकिन्छ । यसमा सिंगल र ड्युअल इलेक्ट्रिक मोटर कन्फिगरेसन दुवैमा आउने अपेक्षा गरिएको छ, जसले ४५० किलोमिटरभन्दा बढीको ड्राइभिङ रेन्ज प्रदान गर्छ ।

हुन्डाईले ब्याट्री उत्पादनका लागि एक्साइडसँग सम्झौता गरेको छ । साथै कम्पनीले अतिरिक्त ब्याट्री प्रविधिका लागि कोरियाली कम्पनी एलजी चेमसँगको विश्वव्यापी साझेदारीको लाभ पनि उठाउन सक्छ ।