लिथियम ब्याट्री कारखानामा आगलाागी हुँदा ३५ हजार ब्याट्री जलेर नष्ट, २० जनाको मृत्यु

दक्षिण कोरियास्थित एउटा ब्याट्री कारखानामा भीषण आगलागी हुँदा ३५ हजार भन्दा बढी लिथियम ब्याट्री जलेर नष्ट भएको छ । आगलागिमा परेर मृत्यु भएका २० जना कामदारको शब फेला परेको बीबीसीले जनाएको छ ।

ह्वासङ सहरस्थित एरिसेल कम्पनीको कारखानामा सोमवार बिहान आगो लागेको थियो । उक्त कारखानाबाट लिथिअम ब्याट्री उत्पादन हुँदै आएको छ ।

दक्षिण कोरियालाई लिथिअम ब्याट्रीको उत्पादनमा अग्रणी मानिन्छ । त्यस्तो ब्याट्रीको प्रयोग विद्युतीय सवारीसाधनदेखि ल्याप्टप सम्ममा हुन्छ । आगलागीको कारण अझै थाहा भइसकेको छैन । आगलागी भएकै समयमा कारखानाको दोस्रो तल्लामा ठूलो विस्फोटन समेत भएको थियो ।

पानीले लिथियममा सल्किएको आगो निभाउन नसक्ने भएकाले अग्नि नियन्त्रकहरूले सुक्खा बालुवा प्रयोग गरेर आगो नियन्त्रण गरेका थिए । त्यसका लागि कैयौँ घण्टा लागेको थियो ।