युरो कप शुरु हुँदै गर्दा फुटबलर फिल फोडेनले किने बीवाईडी सिल, इन्स्टाग्राममा चर्चा

म्यानचेस्टर सिटी क्लबमा आवद्ध इंग्ल्यान्डका फुटबल खेलाडी फिल फोडेनले चाइनिज अटोमोबाइल ब्रान्ड बीवाईडीको सिल ईभी किनेका छन् ।

युरो कप फुटबल प्रतियोगिता प्रारम्भ हुनै लागेको समयमा उनले सो कार किनेका र यसको तस्बिर इन्स्टाग्राममा सार्वजनिक गरेका छन् । उनले तस्बिर सार्वजनिक गर्दै भनेका छन्, ‘लभिङ माई न्यु कार’ । उनले यसका लागि एलएसएच अटो र बीवाईडी युकेलाई धन्यवाद समेत दिएका छन् ।

विश्वको न्यु इनर्जी भेइकलमा अग्रणी मानिने बीवाईडीको गाडी फिल फोडेनले पहिलो पटक किनेका हुन् । यो भन्दा पहिले उनको कार कलेक्सनमा मर्सिडिज बेन्ज एस क्लास, मर्सिडिज बेन्ज एएमजी, रे्न्ज रोभर स्पोर्ट एसभीआर, मर्सिडिज–एएमजी जी६३, ल्याम्बोर्गिनी एभेन्टाडोर र टोयोटा भेल्फायर लगायतका गाडी समेत छन् । यसमा बीवाईडी सिल समेत थपिएको हो ।

सन् २०२७ को जुन सम्मका लागि म्यानचेस्टर सिटीमा आवद्ध फोडेनले एक सातामै २ लाख पाउन्ड भन्दा बढी कमाई गर्छन् । २४ वर्षिय यी खेलाडीले बीवाईडी सिल किनेसँगै यसको चर्चा समेत चुलिएको छ ।

बीवाईडी युरो कप २०२४ को अफिसियल पार्टनर र अफिसियल ई–मोबिलिटी पार्टनर समेत हो । सो प्रतियोगिता जुन १४ देखि जुलाई १४ सम्म जर्मनीका १० विश्व स्तरीय स्टेडियममा हुँदैछ । खेल अवधिमा विभिन्न अवसरमा आवश्यक हुने विभिन्न रेन्जका न्यु इनर्जी भेइकल बीवाईडीले उपलब्ध गराउने छ ।

त्यसैगरी छानिएका केही स्टेडियममा बीवाईडीले अत्याधुनिक इलेक्ट्रिक मोडल र प्रविधि समेत सोकेश गर्नेछ । त्यसैगरी अफिसियल फ्यान जोनमा लाइभ म्याच र अन्य फुटबल सेलिब्रेसनमा पनि बीवाईडीको उत्साहजनक उपस्थिति हुनेछ । युरोपका १९ देशमा रहेका २३०ं बीवाईडी स्टोरहरुमा पनि फुटबल फ्यान र कस्टमरका साथ विभिन्न इभेन्टको आयोजना गरिने छ ।

बीवाईडी सिल नेपाली बजारमा समेत उपलब्ध छ । नेपालमा साइमेक्स इंकले बीवाईडीको आधिकारिक वितरकको रुपमा कार्य गरिरहेको छ ।

कम्पनीले ‘नेपाली अब युरो कपमा’ योजना अन्तर्गत बीवाईडी गाडी खरिद गर्ने र बुकिङ गर्ने फुटबलप्रेमी उक्त ग्राहकलाई छनोट गरी ‘यूईएफए युरो २०२४’ मा सहभागी गराउँदै छ । लक्की ड्रमार्फत युरोकप २०२४ हेर्न जाने अवसर कविनराज श्रेष्ठ, शास्वत गौतम, दिनेश प्याथ, जयराम न्यौपाने, विजेन्द्र शाक्य, श्यामसुन्दर शाक्य, विमल गुरुङ, ममता क्षेत्री, सजनी पाण्डे, गणेश कँडेल र प्रदीप पौडेलले प्राप्त गरेका छन्। 

कम्पनीका अनुसार छनोट भई विजेता बनेका बीवाईडीका ग्राहकहरू जर्मनीमा गई प्रत्यक्ष यूईएफए युरो २०२४ को खेलहरू हेर्ने मौका पाउने छन् ।