शुरुमा ५ लाख बुझाएर नेटा भी किन्न सकिने

काठमाडौं – इलेक्ट्रिक कार नेटा नेटा भी ५ लाख डाउन पेमेन्टमै किन्न सकिने भएको छ । नेपालका लागि नेटा भीको आधिकारिक वितरक सीजी मोटर्सले यो अफर ल्याएको हो ।

नेटा भीको मूल्य ३८ लाख ९९ हजार रुपैयाँ छ । यसको डाउन पेमेन्ट २० प्रतिशतको हिसाबले ७ लाख ८० हजार रुपैयाँ रहने भए तापनि कम्पनीले प्रदान गर्ने छुटलाई डाउन पेमेन्टमै मिलाएर लिन सकिने भएको हो ।

यस अनुसार ७ वर्ष सम्म मासिक रुपमा करिव ५२ हजार रुपैयाँ किस्ताबन्दी तिर्न सकिने छ । यसबाट थोरै आय भएका र शुरुमा धेरै डाउन पेमेन्ट तिर्न नसक्नेलाई सहज हुनेछ ।

नेटा भी कारमा संसारको सबैभन्दा ठूलो ब्याट्री उत्पादक कम्पनी सिएटीएलले उत्पादन गरेको ३८.५ किलोवाट आवर ब्याट्री प्रयोग गरिएको छ । नेटा भीको अधिकतम गति १०१ किलोमिटर प्रतिघण्टा रहेको छ । नेटामा प्रयोग भएका ब्याट्री र मोटरमा ८ वर्ष वा १ लाख ५० हजार किलोमिटर वारेन्टी दिइएको कम्पनीको भनाइ छ ।

सीजी मोटर्सका हरेक खरिदकर्तालाई ६.६ केडब्लूको चार्जर र एक वर्षको बीमाको सुविधा निःशुल्क उपलब्ध छ ।

यो कारमा प्रयोग भएको ब्याट्री फुलचार्ज हुन एसी चार्जरबाट ६ घण्टा लाग्छ भने डीसी फास्ट चार्जरबाट ८० प्रतिशतसम्म पुग्न जम्मा २० मिनेटमात्र लाग्ने छ ।