टाटा अल्ट्राेज रेसरको पहिलो टिजर रिलिज, स्पोर्टी लुक र 360 डिग्री क्यामेरा जस्ता सुविधा हुने

टाटा मोटर्सले आफ्नो बहुप्रतिक्षित कार अल्ट्रोज रेसरको पहिलो टिजर सार्वजनिक गरेको छ । सो कार हाल उपलब्ध अल्ट्रोजको स्पोर्टी संस्करण हो ।

मिडिया रिपोर्टका अनुसार अल्ट्रोज​​ रेसरमा शक्तिशाली इन्जिन, सेप्टीका लागि ६ एयरब्याग र ३६० डिग्री क्यामेरा जस्ता फिचर हुनेछ । यसलाई भारतमा जुन २०२४ मा लन्च गर्न सकिनेछ । सो एसयूभीले भारतमा हुन्डाई आई२० एन लाइनसँग प्रतिस्पर्धा गर्नेछ।

सो एसयूभी ड्युअल टोन एक्सटेरियर कलर थिममा आउनेछ। यसमा रुफ, बोनेट, विङ मिरर, विन्डो लाइन, स्पोइलर र तीनवटै पिलर ए, बी, सीमा ब्ल्याक कलर थिम दिइएको छ । अल्ट्रोज रेसरमा १६ इन्चको ड्युअल टोन अलोय ह्विल हुनेछ ।

टाटा अल्ट्रोज रेसरको क्याबिनमा स्पोर्टी इन्टेरियर डिजाइन दिइएको छ । यसमा १०.२५ इन्चको टचस्क्रिन, वायरलेस एन्ड्रोइड अटो र एप्पल कारप्ले, नयाँ ७ इन्चको डिजिटल ड्राइभर डिस्प्ले, भेन्टिलेटेड फ्रन्ट सिट, हेड्स अप डिस्प्ले, भ्वाइस कमाण्ड सनरुफ, अटोमेटिक क्लाइमेट कन्ट्रोल र वायरलेस फोन चार्जिङ तथा सेफ्टीका लागि ६ एयरब्याग, ३६० डिग्री क्यामेरा, क्रुज कन्ट्रोल, पार्किङ सेन्सर, टायर प्रेसर मोनिटरिङ सिस्टम, चाइल्ड आईएसओफिक्स एंकर सिट, इलेक्ट्रोनिक स्ट्याबिलिटी कन्ट्रोल, हिल असिस्ट कन्ट्रोल र सिट बेल्ट रिमाइन्डर जस्ता फिचर दिइएको छ ।

रेसरमा १.२ लिटर टर्बो पेट्रोल इन्जिन दिइएको छ, जसले १० एचपी पावर र ३० एनएम टर्क जेनेरेट गर्छ । यसमा ६ स्पिड म्यानुअल गियरबक्स उपलब्ध गराइने छ, यसबाहेक यसमा ७ स्पिड ड्युअल क्लच अटोमेटिक ट्रान्समिसनको विकल्प पनि दिन सकिनेछ ।