नेपालकै सबैभन्दा ठूलो ईभी किया ईभी९ नेपालमा, मूल्य १ करोड ८० लाख

काठमाडौं – कियाको आधिकारिक वितरक कन्टिनेन्टल ट्रेडिङ इन्टरप्राइजेजले नेपालकै सबैभन्दा ठूलो इलेक्ट्रिक कारको रुपमा किया ईभी९ नेपाली बजारमा भित्र्याएको छ । ठूलो एसयूभी चाहनेहरुका लागि ध्यानमा राखेर यो गाडी नेपाल भित्र्याएको कम्पनीको भनाइ छ ।

किया ईभी९ मा १६० किलोवाटरको मोटर र ७७ किलोवाट आवरको ब्याट्री छ । रियर ह्विल ड्राइभमा उपलब्ध सो इलेक्ट्रिक एसयूभीले सिंगल चार्जमा ४४० किलोमिटर रेन्ज दिने कम्पनीको दावी छ । कियाको अत्याधुनिक ८०० भोल्ट आर्किटेक्चरमा बनेको ईभी९ले ३५० किलोवाट सम्मको डीसी फास्ट चार्जर सपोर्ट गर्छ ।

ईभी–९ ले वर्ल्ड कार अफ दि इयर–२०२४ को अवार्ड पाएको थियो । एक वर्षअघि ग्लोबल डेब्यु गरेको ईभी९ ले यसअघि २०२४ वुमन्स वर्ल्डवाइड कार अफ दि इयर अवार्ड समेत पाएको थियो । कारमा उपलब्ध इन्नोभेटिभ डिजाइन, फराकिले सेभेन–सीट इन्टेरियर र प्रतिस्पर्धी मूल्यका आधारमा ईभी९ लाई उक्त उपाधि दिइएको आयोजकको भनाइ थियो ।

किया ईभी९ को मूल्य १ करोड ७९ लाख ९० हजार रुपैयाँ तोकिएको छ ।