हुन्डाई बिक्रेता लक्ष्मी ग्रुपले सार्वजनिक ग-यो नेपाल भित्र्याउने इलेक्ट्रिक कारको मूल्य

काठमाडौं – नेपाली बजारमा भित्रिने सार्वजनिक भएको चेरीको सब–ब्रान्ड काइई अटोमोबाइल्सको इलेक्ट्रिक कार एक्स३ प्रोको मूल्य सार्वजनिक भएको छ । नेपाली बजारमा लक्ष्मी ई–मोबिलिटीले भित्र्याउन लागेको सो इलेक्ट्रिक कारको मूल्य ५२ लाख ९६ हजार रुपैयाँ सार्वजनिक भएको छ ।

यो भन्दा पहिले एलआरआर ग्रुपले पनि यही गाडी नेपाली बजारमा भित्र्याउने र करिव एक महिना भित्रै नेपाली बजारमा उपलब्ध हुने घोषणा गरिसकेको छ ।

काइई एक्स३ प्रोमा सीएटीएलको लिथियम आइरन फस्फेट ब्याट्री र इन्टिग्रेटेड लिक्विड कुलिङ सिस्टमले ४०१ किलोमिटर सम्म रेन्ज भएको अल्ट्रा–लङ ब्याट्री लाइफ प्रदान गर्ने बताइएको छ । लामो यात्रा चाहने यात्रीहरुलाई समेत लक्ष्यित गरी यसमा हाई–स्ट्रेन्थ आल्मुनियम अलोय फ्रेम ब्याट्री बक्स, मल्टी लेयर इन्सुलेसन डिजाइन, इन्टेलिजेन्ट सेफ्टी र फ्रिडम समेत प्रदान गरिएको छ ।

न्यु लेभलको ड्राइभिङ इन्जोयमेन्ट प्रदान गर्न यसमा १०.२५ इन्चको कुल ड्युुअल स्क्रिन, अल्ट्रा हाई डेफिनेसन ३६० डिग्री प्यानोरामिक क्यामेरा आदि उपलब्ध गराइएको छ र यसले स्मार्ट ट्राभल गर्न सहयोग पुु¥याउछ ।

फ्रन्टमा रहेको म्याकफर्सन इन्डेपेन्डेन्ट सस्पेन्सन र रियरमा रहेको मल्टी–लिंक इन्डेपेन्डेन्ट सस्पेन्सनले यात्रामा सहजता प्रदान गर्छ ।

१२० किलोवाट मोटर क्षमता र ५२.७ किलोवाट आवरको ब्याट्री प्याक, सिंगल चार्चमा ४०१ किमी रेन्ज, ४५ मिनेटमा फुल चार्ज हुने लगायत विशेषता गाडीमा छन् । यसले १२० किलोवाटको पावर र २८० एनएम पिक टर्क जेनेरेट गर्न सक्छ । यसले ३.७७ सेकेन्डमै ० देखि ५० किलोमिटर सम्मको स्पिड लिन सक्छ । यो गाडी ४४०० एमएम लम्बाई, १८३१ एमएम चौडाई र १६५३ एमएम उचाईमा उपलब्ध छ ।