चेरीको सब–ब्रान्ड काई अटोमोबाइल्सको एक्स३ प्रो ईभी नेपाल भित्रिदै

काठमाडौं – नेपाली बजारमा चिनियाँ अटोमोबाइल कम्पनी चेरीको सब–ब्रान्ड काई अटोमोबाइल्सको इलेक्ट्रिक कार काई एक्स३ प्रो भित्रिने भएको छ । नेपाली बजारमा एलआरआर ग्रुपले सो गाडी भित्र्याउने तयारी गरेको हो ।

काई एक्स३ प्रोमा सीएटीएलको लिथियम आइरन फस्फेट ब्याट्री र इन्टिग्रेटेड लिक्विड कुलिङ सिस्टमले ४०१ किलोमिटर सम्म रेन्ज भएको अल्ट्रा–लङ ब्याट्री लाइफ प्रदान गर्ने बताइएको छ । लामो यात्रा चाहने यात्रीहरुलाई समेत लक्ष्यित गरी यसमा हाई–स्ट्रेन्थ आल्मुनियम अलोय फ्रेम ब्याट्री बक्स, मल्टी लेयर इन्सुलेसन डिजाइन, इन्टेलिजेन्ट सेफ्टी र फ्रिडम समेत प्रदान गरिएको छ ।

न्यु लेभलको ड्राइभिङ इन्जोयमेन्ट प्रदान गर्न यसमा १०.२५ इन्चको कुल ड्युुअल स्क्रिन, अल्ट्रा हाई डेफिनेसन ३६० डिग्री प्यानोरामिक क्यामेरा आदि उपलब्ध गराइएको छ र यसले स्मार्ट ट्राभल गर्न सहयोग पुु¥याउछ ।

फ्रन्टमा रहेको म्याकफर्सन इन्डेपेन्डेन्ट सस्पेन्सन र रियरमा रहेको मल्टी–लिंक इन्डेपेन्डेन्ट सस्पेन्सनले यात्रामा सहजता प्रदान गर्छ ।

५२.७ किलोवाट आवरको ब्याट्री प्याक, सिंगल चार्चमा ४०१ किमी रेन्ज, ४५ मिनेटमा फुल चार्ज हुने लगायत विशेषता गाडीमा छन् । यसले १२० किलोवाटको पावर र २८० एनएम पिक टर्क जेनेरेट गर्न सक्छ । यसले ३.७७ सेकेन्डमै ० देखि ५० किलोमिटर सम्मको स्पिड लिन सक्छ । यो गाडी ४४०० एमएम लम्बाई, १८३१ एमएम चौडाई र १६५३ एमएम उचाईमा उपलब्ध छ ।

काई अटोमोबाइल्सले टुरिन मोडलिङ डिजाइन सेन्टर, चेरी टेस्ट टेक्नोलोजी सेन्टर, चेङदु अटोमोबाइल रिसर्च सेन्टर र इविन स्मार्ट फ्याक्ट्री जस्ता विश्वका प्रतिष्ठित आरएन्डडी रिसर्च सेन्टरको सहयोगमा उच्च गुणस्तरीय उत्पादन उपलब्ध गराउदै आएको छ ।

एक महिनाभित्रै नेपाली बजारमा परीक्षणका लागि गाडी आउने ग्रुुपले जनाएको छ । अत्याधुनिक प्रविधिको प्रयोगबाट गाडी बनेको र उच्च स्तरीय फिचरहरुको सम्मिश्रण भएकाले नेपाली बजारमा यो गाडी लोकप्रिय हुने कम्पनीले विश्वास लिएको छ ।