हाईब्रिड पावरट्रेनमा आयो किया कार्निभल, यस्ता छन् विशेषता

कियाले आफ्नो लोकप्रिय एमपीभी कार्निभललाई हाइब्रिड पावरट्रेनमा सार्बजनिक गरेको छ । नयाँ किया कार्निभल हाइब्रिड १.६ लिटर फोर–सिलिन्डर टर्बोचार्ज्ड इन्जिनसँग ७२ बीएचपी इलेक्ट्रिक मोटर जडान भएर आएको हो ।

हाइब्रिड पावरट्रेनले कुल पावर २४२ बीएचपी र टर्क ३६८ एनएम रहेको छ । यसलाई ६–स्पीड अटोमेटिक गियरबक्ससँग जोडिएको छ । कार्निभल हाइब्रिडको इन्धन दक्षताको तथ्याङ्क सार्वजनिक गरिएको छैन, तर यो सोरेन्टो हाइब्रिड जस्तै हुने अपेक्षा गरिएको छ ।

डिजाइन परिवर्तनको सन्दर्भमा, २०२५ कार्निभल संशोधित हेडलाइटहरू, अपडेट गरिएको ग्रिल, ट्वीक गरिएको बम्पर र नयाँ ह्वील डिजाइनको साथ अउनेछ । जसमध्ये धेरै जसो ईभी९ मोडलबाट प्रेरित छ ।

सो एमपीभीको इन्टेरियरमा पूर्ण डिजिटल क्लस्टर, १२ इन्चको टचस्क्रिन इन्फोटेनमेन्ट प्रणाली, पछाडि यात्रुहरूको लागि दोहोरो १४.६ इन्चको मनोरन्जन स्क्रिन सहित अन्य प्रशस्तै फिचर पाउन सकिन्छ ।