‘फ्लेक्स फ्यूल’ प्रबिधीमा आयो टीभीएस रेडर

टीभीएसको १२५ सिसी मोटरसाइकल रेडर ‘फ्लेक्स फ्यूल’ टेक्नोलोजिमा आएको छ । कम्पनीले सो नयाँ प्रबिधीको मोटरसाइकललाई हालै सम्पन्न भारत मोबिलिटी ग्लोबल एक्स्पोमा प्रदर्शन गरेको हो ।

टिभिएसको फ्लेक्स फ्युल टेक्नोलोजी ८५% इथानोलसँग मिसाइएको इन्धनसँग चल्ने जनाइएको छ । सो नयाँ प्रबिधीयूक्त मोटरसाइकलमा कम्पनीले पहिलेकै १२४.८ सीसी सिंगल–सिलिन्डर इन्जिन जडान गरिएको छ । जसले ११.२ बीएचपी पावर र ११.२ एनएमकै टर्क जेनेरेट गर्दछ । इन्जिनलाई ५ स्पीड गियरबक्समा जोडिएको छ ।

बाइकको अगाडि टेलिस्कोपिक फोर्क र पछाडि मोनो–शक सस्पेन्सन दिइएको छ भने अगाडी डिस्क र पछाडी ड्रम ब्रेक पाउन सकिन्छ । बाइकमा एलईडी हेडल्याम्प र ब्लुटुथ जडान भएको डिजिटल इन्स्ट्रुमेन्ट क्लस्टर रहेको छ ।

रेडरको फ्लेक्स–इंन्धन संस्करणमा निलो र कालो अक्षरका साथ एफएफटी लेखिएको टेक्स्टलाई उज्यालो हरियो ग्राफिकमा हाइलाइट गरिएको छ ।