सीमा क्षेत्रमा हुने स्पेयर पार्ट्सको अबैध कारोबार रोक्न गृहमन्त्रि श्रेष्ठलाई नाडाको आग्रह

काठमाडौं– नाडा प्रतिनिधी मण्डलले गृहमन्त्रि नारायणकाजी श्रेष्ठसंग छलफल गरेको छ । मंगलबार नाडाका अध्यक्ष करण चौधरीको नेतृत्वमा गएको एक प्रतिनिधी मण्डलले श्रेष्ठसंग भेटगरी विभिन्न विषयहरुमा छलफल गरेको हो ।

उक्त भेटघाट तथा छलफलमा अध्यक्ष चौधरीले नेपालमा माल बाहक भारतिय ट्रक निर्बाध रुपमा ७२ घण्टासम्म नेपाल प्रवेश गर्न सक्ने व्यवस्थाबाट नेपालको मालवाहक सवारी साधनहरुको विक्री र त्यसको व्यवसायमा गम्भिर असर परेको बताए ।

भारतिय मालवाहक साधनहरुलाई नेपालमा २४ घण्टाको मात्र समयावधि दिन र भन्सार बिन्दुबाट अधिकतम १६ किमी सम्म मात्र सन्चालन गर्न दिने व्यवस्थाका लागि उनले गृहमन्त्रि श्रेष्ठलाई आग्रह गरे ।

छलफलका क्रममा नाडाका महासचिव सुरेन्द्र कुमार उपे्रतीले नेपाल भारतविच खुल्ला सीमानाकोे कारणले भारतबाट भारी मात्रामा अनधिकृत रुपमा लुव्रिकेन्टस, टायर तथा अटोमोवाइल स्पेयर पाट्र्सको आयात हुदै आएको जानकारी गराए ।

सिमा क्षेत्रमा हुने अबैध कारोबारका कारण लुव्रिकेन्टस र टायर टयूव उद्योगहरुलाई गम्भिर असर परिरहेको बताउँदै उनले ती बस्तुहरुको अनधिकृत आयातका कारण नेपालमा बसेर आधिकारिक व्यापार गरिरहेका व्यवसायीहरु आफनो व्यवसायमा टिकीरहन ज्यादै कठीन भएको जानकारी गराए ।

सीमा क्षेत्रमा कडाईका साथै व्यवस्थित गर्न सकिए देशले गुमाई रहेको ठूलो राजश्व पनि प्राप्त हुने भन्दै उनले यसका लागी आवश्यक पहल गरिदिन मन्त्रि श्रेष्ठसंग अनुरोध गरे ।

छलफलको अन्त्यमा मन्त्री श्रेष्ठले पहिलेको २४ घण्टाको समयावधीलाई ७२ घण्टा पु¥याइएको र सीमा नाकामा भईरहेको समस्याहरुबारे गहिरो चासो राख्दै यस्ता समस्याहरुको समाधानका लागि सरकारले आवश्यक पहल गर्ने बताए ।