टाटाले २०२५ सम्ममा १० नयाँ इलेक्ट्रिक कार लन्च गर्ने, अल्ट्रोज पनि ईभीमा आउने

टाटा मोटर्सले टाटा नेक्सन ईभी, टियागो ईभी, टिगोर ईभी र पन्च ईची लन्च गरिसकेको छ । टाटा मोटर्सले आउँदो सन् २०२५ सम्ममा १० नयाँ इलेक्ट्रिक कार लन्च गर्ने योजना बनाएको छ । कम्पनीले यसको लागि तयारी पनि गरिसकेको छ र अर्को वर्ष नयाँ इलेक्ट्रिक कार लन्च गर्ने तयारी गरिरहेको छ ।

टाटा मोटर्सले २०२५ मा नयाँ इलेक्ट्रिक कार टाटा अल्ट्रोज एसयूभी लन्च गर्ने तयारी गरिरहेको छ । सो मोडल २०२० को अटो एक्सपोमा सार्वजनिक गरेको थियो । कम्पनीले यो मोडल सन् २०२५ मा लन्च गर्ने सक्ने अनुमान गरिएको छ ।

रिपोर्टका अनुसार कम्पनीले आफ्नो नयाँ ईभीको डिजाइन, इन्जिन र फिचर टाटा पन्च ईभीसँग साझा गर्नेछ । साथै यसको मूल्य पनि पन्च ईभी भन्दा धेरै फरक नहुने जानकारी दिएको छ ।

मारुती सुजुकी र हुन्डाई जस्ता कम्पनीले ह्याचब्याक सेगमेन्टमा इलेक्ट्रिक मोडल लन्च गर्ने कुनै योजना अझै खुलाएका छैनन् । तर यदि टाटाको सो नयाँ इलेक्ट्रिक एसयूभी २०२५ मा लन्च भयो भने यो यसको सेग्मेन्टमा एक मात्र इलेक्ट्रिक प्रिमियम ह्याचब्याक हुनेछ ।

रिपोर्टका अनुसार टाटा अल्ट्रोज ईभीको रेन्ज ३१५ देखि ३५० किलोमिटरको हुनेछ । यसको मूल्य ११ लाख देखि १५ लाख भारु हुने अनुमान गरिएको छ ।