होण्डा मोटरसाइकल र स्कुटरमा ७ हजार छुट र ७ वर्षसम्मकै निशुल्क सर्भिसिङ

काठमाण्डौं– होण्डा मोटरसाइकल तथा स्कुटरको नेपालका लागि आधिकारिक वितरक स्याकार ट्रेडिङ कम्पनीले नयाँ अफर ल्याएको छ ।

‘होण्डा छ साथ साथ’ नामले आएको उक्त अफर अन्तर्गत ग्राहकले स्क्र्याचमार्फत ७ हजारसम्म नगद छुट र ७ वर्षसम्मकै निशूल्क सर्भिसिङ पाउनेछन् ।

अफर होण्डाको नेपालभर सञ्चालनमा रहेका शोरुममा लागु हुने कम्पनीले जनाएको छ । नेपाली बजारमा सर्बाधिक बिक्री हुने ब्राण्डका रुपमा परिचित होण्डाको हाल नेपाली बजारमा कुल १५ वटा मोडलका मोटरसाइकल उपलब्ध छन् ।

होण्डाको सबैभन्दा सस्तो मोटरसाइकल सीडी १०० को मूल्य २ लाख ८ हजार ९०० रुपैयाँ निर्धारण गरिएको छ भने महंगो मोडल सीबीआर ६०० आरआरको ३४ लाख ५० हजार तोकिएको छ ।

यसैगरी स्कुटरमा डिओ ११०, डिओ १२५, ग्राजिया, एक्टिभा र एभिएटर मोडल उपलब्ध छन् । यी स्कुटरको मुल्य २ लाख २२ हजारदेखी ३ लाख १० हजार रुपैयाँसम्म निर्धारण गरिएको छ ।