जीहोको नयाँ स्कुटर नेपाली बजारमा, मूल्य ३ लाख ४५ हजार

जीहोको नयाँ स्कुटर नेपाल आएको छ । नेपालका लागि आधिकारिक वितरक रिलायन्स ग्रुपकाे ऋषि ट्रेड सेन्टरले एई६ प्लस मोडल नेपाल ल्याएको हो । सो नयाँ इलेक्ट्रिक स्कुटरको मूल्य ३ लाख ४४ हजार ९०० रुपैयाँ निर्धारण गरिएको छ ।

निकै नै आकर्षक र मस्कुलर डिजाइन दिइएको एई६ प्लसमा ५.५ किलोवाट आवर पिक पावर भएको मीड माउन्टेड मोटर दिइएको छ । स्कुटरलाई एकपटक फूल चार्ज गर्दा ८० देखी १०० किलोमिटरसम्म रेन्ज पाउन सक्ने दावी गरिएको छ ।

सो नयाँ स्कुटरमा वाटरप्रुफ सीट, ठूलो फेन्डर, साइड प्यानलमा अनौठो कलरको इन्डिकेटर, आकर्षक एलईडी ब्रेक लाइट र कम्वाइन्ड ब्रेकिङ सिस्टम लगायत फिचर पाउन सकिन्छ । स्कुटरलाई ८० किलोमिटर प्रतिघण्टाको उच्च गतिमा हाँक्न सकिन्छ ।

यो नयाँ स्कुटर खरिद गर्ने पहिलो ३० जना ग्राहकलाई कम्पनीले १५ हजार नगद छुट दिने बताएको छ । साथै ग्राहकले एउटा आकर्षक हेल्मेट, एक वर्षको रोड ट्याक्स र विभिन्न एसेसोरिज निशुल्क पाउनेछन् ।

सिएफ मोटोको नक्सालस्थित शोरुममा गएर ग्राहकले स्कुटर खरिद गर्न सक्ने कम्पनीले जनाएको छ । कम्पनीले माछापुच्छ«े बैंकसंग सहकार्य गरी ६ देखी १८ महिनासम्मको सरल किस्तावन्दिमा स्कुटर उपलब्ध गराउने योजना ल्याएको छ ।