यी हुन् सन् २०२३ देखि बजारमा उपलब्ध नभएका कार

अप्रिल २०२३ देखि भारतमा सवारीसाधनका लागि नयाँ उत्सर्जन मापदण्ड लागू भएको छ । यो नियम आएसँगै केही कम्पनीले आफ्नो डिजेल कार बन्द गरेका छन् भने पेट्रोल कारमा पनि केही परिवर्तन गर्नुपर्नेछ । सो मापदण्ड पूरा नगर्ने सवारीसाधन अब बजारमा उपलब्ध हुने छैनन् ।

केही वर्ष अघि कारको उत्सर्जन स्तर प्रयोगशालामा मात्र परीक्षण गरिन्थ्यो, तर कारलाई वास्तविक जीवनमा प्रयोग गर्दा यसको उत्सर्जन स्तर बढेको पाइयो । यही कारण भारतीय सरकारले चारपाङ्ग्रे सवारीसाधनको उत्सर्जन स्तर निरन्तर जाँच गर्ने नियम बनायो । यसका लागि सवारीसाधनमा उत्सर्जन स्तर नाप्ने उपकरण जडान गर्नुपर्नेछ ।

उत्कृष्ट उत्सर्जन मापदण्ड पूरा गर्न सवारीसाधनमा चलिरहेको सवारीको उत्सर्जन स्तर निगरानी गर्न सक्ने उपकरण जडान गर्नुपर्नेछ । तर यसले कम्पनीको उत्पादन लागत बढाउने छ । यसको अधिकतम प्रभाव भने डिजेल कारमा देखिनेछ । यही कारण नयाँ वर्षमा केही कार सधैका लागि बन्द हुने भएका छन् ।

सन् २०२३ मा हुन्डाईको आई२० डिजेल र भरना डिजेल, टाटाको अल्ट्रोज, महिन्द्राको अल्टुरस जी४ र महिन्द्राको केयूभी१००, स्कोडाको अक्टाभिया र सुपर्ब, रेनो क्विड ८००, निसान किक्स, मारुती सुजुकी अल्टो ८००, टोयोटा इनोभा क्रिस्टा पेट्रोल, भल्वो एक्ससी४०, किया कार्निभल र होन्डाको सिटी ४ जेनेरेशन, ५ जेनेरेशन डिजेल, अमेज, ज्याज र डब्ल्युआर–भी जस्ता डिजेल कारको उत्पादन सधैका लागि बन्द भएका छन् ।