औपचारिक रुपमै लन्च भयो टीभीएस रोनिन, यस्तो छ मूल्य र विशेषता

काठमाडौं – टीभीएसको नेपालका लागि आधिकारिक वितरक जगदम्बा मोटर्सले कम्पनीको पहिलो ‘मोडर्न–रेट्रो’ मोटरसाइकल रोनिन नेपाली बजारमा लन्च गरेको छ । कम्पनीले नेपालमा आफ्ना ग्राहकहरूका लागि टीभीएस रोनिन लन्च गर्दै प्रिमियम लाइफस्टाइल सेग्मेन्टमा प्रवेश गरेको छ । यो नेपालमै एसेम्बल गरिएको मोटरसाइकल हो ।

२२५ सीसीको सो मोटरसाइकलको तौल १६० केजी छ, जसले २०.४ पीएस पावर उत्पादन गर्नुको साथै १९.९३ एनएम टर्कले यसलाई मोटरसाइकल वर्गमा सबैभन्दा राम्रो पावर–टू–वेट रेसियो बनाउँछ । यसमा ५ स्पिडको गियरका साथै स्लिपर क्लच उपलब्ध छ।

क्लासिक डिजाइन प्याकेजमा, मोटरसाइकललाई रेन र अर्बन एबीएस मोड, जीटीटी टेक्नोलोजी र भ्वाइस र राइड सहायता सहितको स्मार्ट ब्लुटुथ कम्युनिकेसन जस्ता विशिष्ट प्राविधिक सुविधाहरूसहित निर्माण गरिएको छ ।

टिभीएस रोनिन नेपाली बजारमा टीडी संस्करण अर्थात ट्रिपल टोन डुअल च्यानल एबीएसमा उपलब्ध हुनेछ । यसको मूल्य ४ लाख ४९ हजार ९ सय रुपैयाँ तोकिएको छ ।

गत भदौमा सम्पन्न नाडा अटो शोमा यसलाई पहिलो पटक प्रदर्शन गरिएको थियो ।