भारत बन्यो कियाको चौथो ठूलो बजार, कुल बिक्रीमा १० प्रतिशत योगदान

कोरियन अटो ब्राण्ड कियाले भारत आफ्नालागि चौथो ठूलो बजार वनेको बताएको छ । विश्वव्यापी बिक्रीमा स्थानीय बिक्रीले १० प्रतिशत योगदान पु-याएर भारत कियाका लागि चौथो ठूलो बजारका रूपमा उभिएको हो ।

दक्षिण कोरिया, अमेरिका र युरोपपछि भारत कियाका लागि शीर्ष ५ बजारमा परेको किया इन्डियाका एमडी, ताई–जिन पार्कले खुलासा गरेकी हुन् । कियाको विश्वब्यापी बिक्रीमा दक्षिण कोरिया सबैभन्दा ठूलो बजार हो ।

कोरियापछि अमेरिका, यूरोप र भारतमा कियाका कार सर्बाधिक बिक्री हुन्छन् । कम्पनीले भारतमा अर्को वर्ष न्यूनतम १० प्रतिशत वृद्धि गर्ने लक्ष्य राखेको छ । कम्पनीको ध्यान भारतमा प्रिमियम ब्रान्डहरू ल्याउनमा केन्द्रित हुने र हालको लाइनअपलाई पूर्ण रूपमा रिफ्रेस गर्न खोजिरहेको छ ।

कियाले अर्को वर्ष म्यानुअल ट्रान्समिसनलाई पुनः लन्च गर्ने योजना बनाएको छ । पार्कका अनुसार आईएमटी राम्रो प्रविधि भए पनि यसलाई उपभोक्ताले शतप्रतिशत स्वीकार गर्न सकेको छैन । ईभी र हाईब्रीड दोस्रो प्राथमिकतामा रहेको उनको भनाई छ ।