यूरोपमा बजार विस्तार गर्दै टीभीएस, ७ वटा प्रोडक्ट बिक्री गर्नेे

भारतिय टु ह्विलर उत्पादक टीभीएसले यूरोपमा आफ्नो बजार विस्तार गर्ने भएको छ । अर्को वर्षदेखी सुरु हुने उसको यूरोप यात्रामा ७ वटा प्रोडक्ट उपलब्ध हुने जनाइएको छ । यूरोपमा करोबार विस्तार गर्न कम्पनीले जुरिचस्थित इमिल फेरी ग्रुपसंग सम्झौता गरेको हो ।

इमिल फेरीले विगत १०० वर्षदेखी यूरोपेली बजारमा विभिन्न ब्रान्डका अटोमोबाइल प्रोडक्ट आयत गरी बिक्री गर्दै आएको छ । सो ग्रुप यूरोपको सबैभन्दा ठूलो नेटवर्क भएको अटोमोबाइल इम्पोर्टर समेत हो । टीभीएसका उत्पादनलाई विश्वब्यापी बनाउने रणनिती अनुरुप सो ग्रुपसंग सम्झौता गरिएको कम्पनीले जनाएको छ ।

यूरोपली बजारमा टीभीएसले जुपिटर १२५, एनटर्क, रेडर, आइक्यूव एस, रोनिन, अपाचे आरआर ३१० र अपाचे आरटिआर ३१० मोडल उपलब्ध गराउने सम्झौतामा उल्लेख गरिएको छ ।