किया ईभी–३ को कन्सेप्ट सार्बजनिक, सानो र सस्तो मोडल हुने

कियाले आफ्नो सवैभन्दा सानो र सस्तो इलेक्ट्रिक एसयूभी ईभी–३ को कन्सेप्ट सार्वजनिक गरेको छ । कीया ईभी डेको अवसर पारेर कम्पनीले ईभी–३ सहित तीन वटा नयाँ मोडलको कन्सेप्ट सार्वजनिक गरेको हो । एमजी जेडएस ईभी बरावरको साइजामा आउने सो एसयुभीको मूल्य ३० हजार डलर हाराहारी पर्ने अनुमान गरिएको छ । सो नयाँ ईभी अर्को वर्ष बजारमा आउने आँकलन गरिएको छ ।

ईभी–३ लाई कम्पनीले हुन्डाई ग्रुपको डेडिकेटेड ईभी आर्किटेक्चर ई–जीएमपी मा तयार पार्ने जनाएको छ । सो एसयूभीको डिजाइन ईभी–९ र ईभी–५ बाट प्रेरित रहेको छ । यसको एक्सटेरियरमा स्लिम एलईडी लाइट, ए र बी पील्लरमा ब्ल्याक आउट, फन्नि डिजाइनको ह्विल, सी पिल्लरमा ब्ल्याक इन्सर्ट र एलईडी टेललाइट लगायत विशेषता पाउन सकिन्छ ।

यसैगरी इन्टेरियरमा ट्विन स्क्रिन सेटअप र सेन्ट्रल टचस्क्रिन इन्फोटेन्मेन्ट सिस्टम सहितको ठूलो डिजिटल इन्स्ट्रयुमेन्ट डिस्प्ले रहने कम्पनीले जनाएको छ । सो नयाँ एसयूभीमा भेहिकल टु लोड र जेनेरेटिभ आर्टिफिसियल इन्टेलिजेन्स जस्ता फिचर समेत सामेल हुनेछन् । किया मोटर्सले यसमा ५० देखी ७० किलोवाट आवरसम्मको ब्याट्री प्याक दिनसक्ने अनुमान गरिएको छ ।