हुन्डाई एक्स्टरको वुकिङ ७५ हजार नाघ्यो, गाडी हात पार्न ९ महिनासम्म कुर्नुपर्ने

हून्डाईको सानो एसयुभी एक्स्टर लन्च भएको छोटो समयमै राम्रो संख्यामा वुकिङ भएको छ । ३ महिना अघि लन्च भएको सो एसयुभीको वुकिङ अहिले भारतमा ७५ हजार युनिट नाघेको कम्पनीले जनाएको छ । वुकिङ वढेसंगै यसलाई हात पार्न ग्राहकले ९ महिनासम्म कुनुपर्ने अवस्था देखिएको छ । एक्स्टर हालै सम्पन्न नाडा अटो शोमा नेपाल आएपनि हालसम्म बिक्री सुरु भएको छैन ।

बुकिङ बढेसंगै हुन्डाई इण्डियाले सो एसयूभीको उत्पादन बढाउने योजना बनाएको छ । कम्पनीका अनुसार टप स्पेक भेरिएन्टमा ग्राहकले अत्याधिक रुची राखेका छन् । मासिक ६ हजार युनिटका दरले उत्पादन हुँदै आएको एक्स्टरको उत्पादन अहिले बढाएर मासिक ८ हजार पुर्याइएको छ ।

आन्तरिक बजारमै खपत राम्रो रहेका कारण कम्पनीले अन्तराष्र्टिय बजारमा पनि माग अनुसार निर्यात गर्न सकिरहेको छैन । जसको प्रभाव स्वरुप नेपालमा पनि यसको बिक्री शुरु हुन नसकेको आँकलन गर्न सकिन्छ ।

भारतीय बजारमा सुरुवाती मूल्य ६ लाख निर्धारण गरिएको सो एसयूभी कुल ५ भेरिएन्टमा उपलब्ध छ । एक्स्टरमा हुन्डाईले १.२ लीटर फोर सिलिण्डर पेट्रोल इन्जिन जडान गरेको छ । जसको अधिकतम पावर ८३ बीएचपी र टर्क ११४ एनएम रहेको छ । यसमा ५ स्पिड म्यानुअल गेयर वक्स र एएमटी ट्रान्समिसनको विकल्प पाउन सकिन्छ । एक्स्टरमा कम्पनीले प्रशस्तै ‘फस्र्ट–इन–सेग्मेन्ट’ फिचर दिएको छ ।