हुन्डाईको सबै कारमा अव ६ वटा एयरब्याग

हुन्डाई इन्डियाले आफ्नो सबै मोडलमा ६ वटा एयरब्याग अनिबार्य गर्ने उद्घोष गरेको छ । भारतीय बजारमा बिक्री हुने मोडलमा भर्नाले पहिलो पटक सेफ्टि टेष्टमा ५ स्टार रेटिङ पाएपछि कम्पनीले यस्तो घोषणा गरेको हो । ग्लोबल एनक्यापको सो टेष्टमा हुन्डाईले यसपटक भर्ना सहित तीनवटा मोडललाई पठाएमा बाँकी दुई मोडलको भने नतिजा आउन बाँकी नै छ ।

हुन्डाईले भारतमा उत्पादन गर्ने प्राय सवैजसो कारमा ६ वटा एयरब्याग दिएपनि केही मोडलमा भने ४ वटा मात्रै दिएको छ । कम्पनीले हाल ग्रान्ड आई१० निओस, अउरा र भेन्युको टप भेरिएन्टलाई छाडेर वाँकीमा ४ वटा एयरब्यागलाई अनिबार्य गर्दै आएको छ । यी मोडलका टप स्पेकमा भने ६ वटा नै एयर ब्याग पाउन सकिन्छ ।

सेफ्टि टेष्टमा फितलो प्रदर्शनीको आरोप खेप्दै आएको कोरियन ब्रान्डले अघिल्लो वर्षदेखी नै आफ्नो सबै मोडलमा सीट वेल्ट रिमाइन्डर सहितको थ्री प्वाइन्ट सीट वेल्टलाई अनिबार्य गराएको थियो । भारतमा कुल १३ वाट मोडललाई उत्पादन गर्दै आएको कम्पनीले आफ्नो १० वटा मोडलमा इलेक्ट्रोनिक स्ट्याविलिटी कन्ट्रोल(इएससी) र हिल एसिस्ट कन्ट्रोललाई अनिबार्य गराइसकेको छ । यी फिचरलाई अनिबार्य गर्न बाँकी हुन्डाइका मोडलमा एक्स्टर, ग्रान्ड आई–१० निओस र अउरा रहेका छन् ।