तयार भयो चेरीको मिनी ईभी, रेन्ज ३०१ किलोमिटर सम्म

चिनियाँ अटो निर्माता चेरीले नयाँ मिनी ईभी ल्याउने घोषणा गरेको छ । चेरी मातहतको काइयई ब्रान्डले तयार पारेको सो ईभीलाई कम्पनीले मंगलबार सार्बजनिक समेत गरिसकेको छ । यहि महिना लन्च हुने अनुमान गरिएको सो ईभीलाई कम्पनीले प्योर इलेक्ट्रिक प्लेटफर्मममा निर्माण गरेको हो ।

चेरीको सो नयाँ ईभी ३३६० मिलिमिटर लामो, १७०० एमएम चौडा र १६०५ एमएम अग्लो हुनेछ भने यसको ह्विलवेश २१६० एमएम लामो रहेको छ । वुलिङ हाङगाङ मिनी ईभी जस्तै स्क्वायर सेपमा तयार पारिएको सो कारमा सस्पेन्डेड रुफ डिजाइन र हिडन डोर ह्यान्डल पाउन सकिनेछ ।

४ सिट र २ वटा ढोका रहेको यसको इन्टेरियरमा पिंक र ब्लु कलरको कम्विनेसन पाउन सकिन्छ । साथै यसमा सस्पेन्डेड इन्स्ट्रयुमेन्ट प्यानल, १०.२५ इन्चको सेन्ट्रल कन्ट्रोल स्क्रिन, टु–स्पोक फ्ल्याट वटम स्टेरिङ ह्विल, र हिडन एसी भेन्ट लगायत फिचर उपलब्ध छन् । यो कारले किलेस इन्ट्रि र स्टार्टलाई सपोर्ट गर्दछ ।

सो नयाँ कारलाई चेरीले ३५ र ४० किलोवाट मोटर पावर अप्सनमा ल्याउने जनाएको छ । यसमा लागेर आउने ब्याट्रीको साइज सार्बजनिक नभएपनि एक पटककको सिंगल चार्जमा यसले ३०१ किलोमिटर सम्म रेन्ज दिने दावी कम्पनीले गरेको छ ।