भक्तपुरमा खुल्यो लुयानको नयाँ सोरुम, एमएनके३ मा २० हजार छुट

काठमाडौं– लुयान इलेक्ट्रिक स्कुटरको नेपालका लागी आधिकारिक वितरक जेरो एमिसन राईड एनले आफ्नो ११ औ सोरुम भक्तपुरमा विस्तार गरेको छ । सल्लाघारीमा हारती अजीमा ईभी ट्रेड नामले संचालनमा आएको सो नयाँ सोरुमबाट ग्राहकले लुयानको नेपाली बजारमा उपलब्ध विभिन्न मोडलका स्कुटर खरिद गर्न सक्ने कम्पनीले जनाएको छ ।

नयाँ सोरुम संचलनमा आएको अवसर पारेर कम्पनीले ग्राफिनी ब्याट्री जडित एमएनके३ स्कुटरमा २० हजार नगद छुट दिंदै आएको छ । दशैं तिहार र नयाँ सोरुम खुलेको अवसर पारेर नगद छुट दिएको कम्पनीको भनाई छ । नगद छुटको सो योजना तिहारसम्म लागु हुनेछ ।

लुयानको नेपाली बजारमा एमएनके३ र एस–७० प्रो गरी दुईवटा स्कुटर उपलब्ध छन् । एमनके३ मा पनि ग्राहकले लीड एसिड, ग्राफिनी र लिथियम आयोन ब्याट्रीको विकल्प पाउन सक्नेछन् । यसको ग्राफिनी ब्याट्री जडित स्कुटरले सिंगल चार्जमा १२० किलोमिटरसम्म रेन्ज दिने दावी गरिएको छ ।

यो स्कुटरको मूल्य १ लाख ८७ हजार २०० रुपैयाँ निर्धारण गरिएको छ । स्कुटरमा ७३ भोल्ट ३५ एम्पियर क्षमताको ब्याट्री जडान गरिएको छ । चार्ज साइकिल ८०० रहेको यसको ब्याट्री लामो समयसम्म टिक्ने दावी छ ।