रोयल इन्फिल्ड बुलेट ३५० थप उपकरण सहित लन्च हुँदै, पहिले नै डिटेल्स लिक

रोयल इन्फिल्डको लोकप्रिय बाइक बुलेट विगत केही दशकदेखि सबैको मनपर्ने बाइक बन्दै आएको छ । कम्पनीले अगस्त ३० मा भारतीय बजारमा बुलेट ३५० लाई अझै आधुनिक उपकरणका साथ लन्च गर्ने तयारी गरिरहेको छ । तर सो बाइक लन्च हुनु अघि नै यसको सबै विवरण सहितको ब्रोसर लिक भएको छ ।

रोयल इन्फिल्ड बुलेट ३५० मा जे सिरिजको नयाँ च्यासिस भएको खुलासा भएको छ, जसले बुलेट ३५० लाई क्लासिक र अन्य आधुनिक ३५० मेटियर जस्तै बनाएको छ । यो हाई स्पिडमा पनि अधिक टिकाऊ, भरपर्दो र स्थिर हुनेछ । यसमा नयाँ जे सिरिज एलएस अर्थात लन्च स्ट्रोकको ३४९ सीसी इन्जिन हुनेछ ।

सो इन्जिन ट्रयाक्विलिटी, कम भाइब्रेशन, लामो समयसम्म सर्भिस इन्टरभल र लो एन्ड ग्रन्टका लागि परिचित छ । सो इन्जिनले ६१०० आरपीएममा २०.२ बीएचपीको पावर र ४००० आरपीएममा २७ एनएमको टर्क जेनेरेट गर्छ । यसमा ५ स्पिड गियरबक्स भन्दा कम फल्स न्युट्रल र स्मुथ सिफ्टिङको हुनेछ ।

नयाँ बुलेट ३५० मा आरएसयू टेलिस्कोपिक फ्रन्ट फोर्क र ट्वीन ग्यास चार्ज रियर शक्स उपलब्ध छ । साथै ब्रेकिङका लागि दुबै साइडमा सिंगल डिस्क सेटअप र सिंगल वा ड्युअल च्यानल एबीएसको विकल्प समावेश छ । बाइकको टायर पनि अपडेट गरिएको छ ।

साथै बाइकमा इन्स्ट्रयुमेन्ट क्लस्टर पनि परिवर्तन गरिएको छ, किनभने यसमा अब एलसीडी स्क्रिनसहित आरईको डीजी एनालग इन्स्ट्रयुमेन्ट क्लस्टर हुनेछ । नयाँ बुलेटको स्विचगियरमा पनि सुधार गरिएको छ ।

बुलेट ३५० मा युएसबी चार्जिङ पोर्ट र ओभल मास्टर सिलिन्डर हुनेछ । यद्यपि यसको डिजाइन भने बुलेट जस्तै तर आधुनिक लुक दिइएको छ । हेडलाइटमा ट्विन पोजिसन ल्याम्प, नयाँ टेल लाइट र टर्न इन्डिकेटर डिजाइन रेट्रो देख्न सकिन्छ ।

रोयल इन्फिल्डले नयाँ बुलेट ३५० तीन फरक ट्रिममा उपलब्ध गराउँदैछ तर सो ट्रिमको नाम भने खुलासा गरिएको छैन । तर यी ट्रिमका बारेमा कुरा गर्दा बेस ट्रिममा रियर ड्रम ब्रेक र सिंगल च्यानल एबीएस र क्रोम इन्जिन फिनिस हुने अनुमान गरिएको छ ।