जीतपुर सिमरामा टीभीएसको नयाँ शोरुम शुभारम्भ

बारा – बाराको जीतपुर सिमरा उपमहानगरपालिका वडा नम्बर ७ जीतपुरमा टीभीएस मोटरसाइकलको शोरूम स्थापना भएको छ । जीतपुरको स्वस्तिक ट्रेड एण्ड कन्सर्नले टीभीएसको अधिकारिक डिलर लिएर बिहीबार जीतपुरको पहाडीटोलमा शोरूमको समुद्घाटन सम्पन्न गरेको हो ।

जीतपुर सिमरा नगर उद्योग वाणिज्य संघका अध्यक्ष मोहन शर्मा लामिछानेले रिबन काटेर शोरूमको उदघाटन गरे । अध्यक्ष शर्माले शोरूमको उदघाटन गर्दै संचालक र टीभीएस टिमलाई व्यवसायको सफलताको शुभकामना दिए।

करिब २ करोड २५ लाखको लागतमा उक्त शोरुम संचालनमा आएको हो । स्वस्तिक ट्रेड एण्ड कन्सर्न जीतपुरका संचालक किरन पुरीका अनुसार जीतपुरको टीभीएस शोरूममा टीभीएसको नयाँ मोटरसाइकल, स्कुटर, पार्ट्स र सर्भिसिङ लगायतका सम्पुर्ण कामहरू हुनेछ ।

स्वस्तिक ट्रेड एण्ड कन्सर्नका संचालक किरन पुरीको अध्यक्षतामा सम्पन्न भएको उदघाटन कार्यक्रममा जीतपुर सिमरा नगर उद्योग वाणिज्य संघका अध्यक्ष मोहन शर्मा प्रमुख अतिथि रहेका थिए ।