सुजुकीसँग साझेदारीमा नयाँ कार निर्माण गर्ने तयारीमा टोयोटा, फ्रोङ्क्ससँग प्रतिस्पर्धा हुने

टोयोटा इन्डियाले अर्बन क्रुजर टेजर नामको नयाँ कारको ट्रेडमार्क दर्ता गरेको छ । सो कार लन्च पछि मारुती फ्रोङ्क्ससँग प्रतिस्पर्धा गर्ने अनुमान गरिएको छ ।

रिपोर्टका अनुसार टोयोटाको नयाँ कम्प्याक्ट एसयूभी मारुती फ्रोङ्क्समा आधारित हुनेछ । यो मारुती र टोयोटाबीचको साझेदारीमा विकसित हुने पाँचौं मोडल हुनेछ । यदि टोयोटाले यो एसयूभी लन्च गरे भने अर्बन क्रुजरको रिप्लेसमेन्ट हुनेछ ।

टोयोटाले आफ्नो नयाँ मोडल फ्रोङ्क्स भन्दा फरक देखाउनका लागि नयाँ बम्पर, अलोय ह्विल, हेडलाइट र नयाँ टेललाइट समावेश गर्नेछ । इन्टेरियर डिजाइन भने साझा गर्नेछ तर फरक रङमा ।

नयाँ मोडल कम्पनीले १.२ लिटर नेचुरली एस्पिरेटेड पेट्रोल इन्जिनमा ल्याउन सक्ने अनुमान गरिएको छ । कम्पनीले यस एसयूभीलाई टर्बो पेट्रोल र सीएनजी इन्जिनमा पनि ल्याउने सक्ने अनुमान गरिएको छ ।

टोयोटा अर्बन क्रुजर टेजर ९ इन्चको टचस्क्रिन, ३६० डिग्री क्यामेरा, हेड–अप डिस्प्ले, वायरलेस चार्जिङ, कनेक्टेड कार टेक्नोलोजी र ६ एयरब्यागजस्ता फिचरमा ल्याउन सकिन्छ । सो एसयूभी आउँदो फेस्टिभ सिजनमा आउने अपेक्षा गरिएको छ ।