टाटाले जीपजस्तै अफरोड एसयूभी ल्याउने, थार र जिम्नीलाई चुनौती

टाटा मोटर्सले हालै नेक्सन, हेरियर ईभी, पन्च ईभी र कर्भ कुप जस्ता इलेक्ट्रिक एसयूभी ल्याउने घोषणा गरेको छ ।

साथै कम्पनीले इलेक्ट्रिक कारबाहेक जीप जस्तै एसयूभी पनि ल्याउने घोषणा गरिसकेको छ । यो लाइफस्टाइल एसयूभी हालको लागि सुरुवाती फेजमा मात्र रहेको छ ।

मारुती र महिन्द्रासँग लाइफस्टाइल एसयूभी पहिल्यै उपलब्ध छ । जहाँ मारुतीसँग जिम्नी र महिन्द्रासँग लोकप्रिय एसयूभी थार उपलब्ध छ । टाटा यस सन्दर्भमा दुबै कम्पनी भन्दा पछाडि छ । अब कम्पनीले महिन्द्रा र मारुतीलाई यो सेग्मेन्टमा पनि चुनौती दिन सक्ने सम्भावना बढेको छ ।

महिन्द्रा थार र मारुती जिम्नी भारतीय बजारमा निकै लोकप्रिय छ । मारुतीले पनि हालै नयाँ जिम्नी बजारमा ल्याएको हो तर थार लामो समयदेखि बजारमा उपलब्ध छ । टाटा मोटर्सको ७८ औं वार्षिक बैठकमा एन चन्द्रशेखरनले टाटाले बजारका सबै ठाउँमा आफ्नो उपस्थिति दर्ता गराउन चाहेको बताए ।