नेपाल आउँदै अर्को नयाँ इलेक्ट्रिक एसयूभी, यस्तो छ सेरेस–३ मा उपलब्ध फिचर र पावरट्रेन

बजारमा इलेक्ट्रिक एसयूभीको माग वढ्न थालेसंगै नयाँ ब्रान्डका इभी भित्रिने क्रमले निरन्तरता पाइरहेको छ । सोही क्रममा नेपालको अटोमोवाइल व्यावसायमा स्थापित एमएडव्लू ग्रुप अन्तर्गतको कम्पनी एमएडव्लू बृद्धीले सेरेस ब्रान्डको नयाँ इलेक्ट्रिक एसयूभी ल्याउने तयारीलाई अन्तिम चरणमा पु¥याएको छ । सेरेस–३ को केही युनिट केही दिनपछि नेपाल आइपुग्ने कम्पनी स्रोतको भनाई छ ।

सो नयाँ एसयूभीलाई कम्पनीले भदौ २६ देखी काठमाडौंमा आयोजना हुने नाडा अटो सोमा औपचारिक लन्च गर्ने तयारी गरेको छ । सेरेस–३ नेपाल आएपछि यसको सिधा प्रतिस्पर्धा एमजी जेडएस, टाटा नेक्सन र बीवाइडी एट्टो–३ संग हुने अनुमान गरिएको छ ।

सो नयाँ एसयूभीमा ५० किलोवाट आवरको व्याट्री र ९९ किलोवाटको मोटर जडान गरिएको छ । एकपटकको सिंगल चार्जमा यसलाई ४०० किलोमिटर गुडाउन सकिने कम्पनीले दावी गरेको छ । यसको पावर १६३ पीएस र टर्क ३०० एनएम रहेको छ ।

दुई भेरिएन्टमा नेपाल आउन लागेको यसको टप भेरिएन्टमा सनरुफ, ३६० डिग्री क्यामेरा र एडिएएस लागयत फिचर हुने अनुमान गरिएको छ । सो एसयूभीको मूल्य र अन्य फिचरका वारेमा विस्तृत जानाकारी वाहिर नआएपनि प्रतिस्पर्धीकै हाराहारीमा मूल्य निर्धारण हुने आँकलन गरिएको छ ।