टोयोटाको सस्तो एमपीभी सार्वजनिक, मारुती अर्टिगा भन्दा केही महंगो हुने

टोयोटाले विहिवार भारतमा नयाँ एमपीभी रुमीअन सार्वजनिक गरेको छ । मारुती अर्टिगामा आधारित सो नयाँ एमपीभीलाई कम्पनीले केहीदिन पछि वुकिङ खुल्ला गर्ने जनाएको छ । यो एमपीभी टोयोटाको प्रोडक्ट पोर्टफोलियोमा सवैभनदा सस्तो हुने अपेक्षा गरिएको छ । टोयोटाले हाल भारतमा इन्नोभा क्राइस्टा, इन्नोभा हाइक्रस र भेलफायर एमपीभी बिक्री गर्दै आएको छ ।

सो नयाँ एमपीभी तीनवटा ट्रिम र तीनवटै पावरट्रेनमा उपलब्ध हुने टोयोटाको भनाई छ । मारुती अर्टिगामा आधारित भएपनि यसको लुक्स तथा स्टायल फरक देखिनेछ । रुमीअनमा टोयोटाले नयाँ बम्पर, सुधारिएको फग ल्याम्प, इन्नोभा क्राइस्टाको जस्तै ग्रील र डुअल टोन अलोय ह्विल दिएको छ ।

७ सीट क्षमतको सो एमपीभीको इन्टेरियरमा काठबाट वनेको जस्तै देखिने व्ल्याक–आउट ड्यासवोर्ड र अर्टिगाको जस्तै अपहोलेस्ट्रि पाउन सकिनेछ । यसको मूल्य र थप फिचरका वारेमा विस्तृत विवरणहरु भने हालसम्म सार्वजनिक नभएपनि मारुती इर्टिगाभन्दा केही महंगो हुने आँकलन गरिएको छ ।

रुमीअनलाई टोयोटाले १.५ लिटर नेचुरल्लि एस्पिरेटेड पेट्रोल र सिएनजी पावरट्रेनमा ल्याउन लागेको हो । यसको पावर १०३ एचपी र टर्क १३७ एनएम रहनेछ । सो एमपीभी ५ स्पिड म्यानुअल र ६ स्पिड टर्क कन्भर्टर अटोमेटिक गियरवक्समा उपलब्ध हुनेछ । यसको माइलेज २० किलोमिटर रहने दावी कम्पनीले गरेको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...