चिनियाँ कम्पनीसँग साझेदारी गर्दै सेल्फ ड्राइभिङ इलेक्ट्रिक कार निर्माण गर्ने टोयोटाको तयारी

जापानी कम्पनी टोयोटा र चीनका २ कम्पनीको साझेदारीमा सेल्फ ड्राइभिङ इलेक्ट्रिक कार निर्माण गरिने भएको छ । चीनको म्यानुफ्याक्चर सहयोगी कम्पनी पोनी र टोयोटा बीच सो सम्झौता भएको हो । यसको लागि १ अर्ब युआन भन्दा बढी लगानी गरिने छ । यद्यपि कम्पनीले आधिकारिक रुपमा सेल्फ ड्राइभिङ कारको बारेमा कुनै जानकारी दिएको छैन ।

पोनी डट एआईका अनुसार कम्पनीको मुख्य उद्देश्य भनेको भविष्यमा ठूलो मात्रामा सेल्फ ड्राइभिङ इलेक्ट्रिक कार उत्पादन गर्नु हो । सेल्फ–ड्राइभिङ कारले विश्वको धेरै टप अटो र टेक्नोलोजी कम्पनीलाई लगानी गर्न आकर्षित गरेको छ । टोयोटाले आफ्नो चिनियाँ वेबसाइटमा सो भेन्चरको घोषणा गरेको हो ।

अटोमोटिभ कम्पनीले ३ वर्षअघि पोनी डट एआईमा ४०० मिलियन डलर लगानी गरेको थियो । २०१६ मा स्थापित पोनी डट एआई ग्वाङ्झाउ अटोमोबाइल ग्रुपसँग पनि जोडिएको छ, यो जीएसी टोयोटा मोटर कम्पनीमा टोयोटाको निर्माण साझेदार हो ।

पोनी डट एआई क्यालिफोर्नियाको फ्रेमोन्टमा रहेको छ, जसले अमेरिका र चीनमा सेल्फ–ड्राइभिङ सवारी साधन निर्माणमा महत्वपूर्ण योगदान पु¥याउँछ ।