हाइब्रिड इन्जिन र थप प्रिमियम सुविधासहित नयाँ पुस्ताको हुन्डाई क्रेटा २०२७ मा आउँदै
हुन्डाईले भारतीय बजारमा क्रेटा एसयूभीको नयाँ पुस्ता नयाँ फिचरसहित लन्च...
हुण्डाई गाडीको नेपालका लागि आधिकारिक विक्रेता लक्ष्मी इन्टरकन्टिनेन्टल प्रालिले ‘ह्विल्स अफ चेन्ज’ एक्सचेञ्ज अफर ल्याएको छ ।
बिहीवारदेखी शुरु भएको सो योजना हुण्डाई नेपाल अन्तर्गतको ‘हुन्डाई प्रमिस’ को सहकार्यमा पाँचवटा प्रतिष्ठित कार एक्सचेञ्जहरु सँगको साझेदारीमा ल्याइएको हो । सो योजना अन्तर्गत ग्राहकले आफ्नो कुनैपनि ब्राण्डको गाडी ल्याएर हुण्डाईको इन्धनयुक्त वा विद्युतिय कारसंग एक्सचेञ्ज गर्न सकिने कम्पनीले जनाएको छ ।
सो योजनामा साझेदारी गर्ने एक्सचेन्ज कम्पनीहरु काठमाण्डौ अटोमोबाइल सेन्टर, बाबा बसेरा अटो ग्रुप, आरके अटो सेन्टर, श्रेया अटो इन्टरप्राइजेज् र रेसिङ्ग अटोमोबाइल इन्टरप्राइजेज् रहेका छन् । योजना नेपालभरी नै लागू हुने भएकोले उपत्यका बाहिर यो योजनामा सहभागी हुन आफ्नो नजिकैको हुण्डाईको शोरुममा जान कम्पनीले ग्राहकलाई आग्रह गरेको छ ।
अत्यधिक लाभ र विशेषता सहितको यो योजनाले ग्राहकलाई हुण्डाईको विभिन्न उपलब्ध मोडलहरुमा पाँचलाख सम्मकोे नगद छुट, १ लाख ५० हजार सम्मको एक्सचेञ्ज बोनस र २५ हजार सम्मको एसेसरिज पनि उपलब्ध गराउने जनाएको छ । एक्सचेञ्ज पार्टनर र हुण्डाई शोरुममा गएर हुण्डाई गाडीको टेष्ट ड्राइभ गरी आकर्षक उपहारहरु पनि जित्न सकिने कम्पनीद्वारा जारी प्रेश विज्ञप्तिमा उल्लेख गरिएको छ ।
लक्ष्मी इन्टरकन्टिनेन्टल प्रालिले नेपालभर १७ वटा शोरुम तथा १९ वटा सर्भिस सेन्टर र ४३ चार्जिङ्ग पोइन्टहरु मार्फत ग्राहकहरुलाई सेवा प्रदान गरिरहेको छ । कम्पनीले हुन्डाईका गाडीमा ३ वर्ष वारेन्टी र ६ वर्षको फ्रि सर्भिसिङ उपलब्ध गराउँदै आएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...